You’re viewing a text-only version of this website that uses less data. View the main version of the website including all images and videos.
ਸੋਸ਼ਲ: ਰਜਨੀਕਾਂਤ ਨੂੰ ਭਾਜਪਾ ਨੇ ਦਿੱਤੀ ਵਧਾਈ ਤੇ ਸਵਾਮੀ ਨੇ ਕਿਹਾ 'ਅਨਪੜ੍ਹ'
ਦੱਖਣੀ ਭਾਰਤ ਦੇ ਪ੍ਰਸਿੱਧ ਅਦਾਕਾਰ ਰਜਨੀਕਾਂਤ ਨੇ ਰਾਜਨੀਤੀ ਵਿੱਚ ਆਉਣ ਦਾ ਐਲਾਨ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਉਹ ਤਮਿਲਨਾਡੂ 'ਚ ਹੋਣ ਵਾਲੀਆਂ ਅਗਲੀਆਂ ਵਿਧਾਨ ਸਭਾ ਚੋਣਾਂ ਲੜਨਗੇ ਅਤੇ ਇਸ ਲਈ ਉਨ੍ਹਾਂ ਨੇ ਆਪਣੀ ਵੱਖਰੀ ਪਾਰਟੀ ਬਣਾਉਣ ਦਾ ਐਲਾਨ ਕੀਤਾ ਹੈ।
ਰਜਨੀਕਾਂਤ ਨੇ ਕਿਹਾ ਕਿ ਉਹ ਬੁਜ਼ਦਿਲ ਨਹੀਂ ਹਨ, ਇਸ ਲਈ ਪਿੱਛੇ ਨਹੀਂ ਹਟਣਗੇ।
ਦੱਖਣ ਭਾਰਤ ਦੇ ਫ਼ਿਲਮੀ ਸੁਪਰਸਟਾਰ ਰਜਨੀਕਾਂਤ ਦੇ ਸਿਆਸਤ ਵਿੱਚ ਆਉਣ ਅਤੇ ਆਪਣੀ ਪਾਰਟੀ ਬਣਾਉਣ ਦੇ ਫ਼ੈਸਲੇ ਦੇ ਨਾਲ ਹੀ ਸੋਸ਼ਲ ਮੀਡੀਆ 'ਤੇ ਵੀ ਇਸ ਬਾਬਤ ਲਗਾਤਾਰ ਚਰਚਾ ਹੋ ਰਹੀ ਹੈ।
ਉਨ੍ਹਾਂ ਦੇ ਸਿਆਸਤ 'ਚ ਆਉਣ ਬਾਰੇ ਚਰਚਾ ਦੇ ਨਾਲ ਨਾਲ ਵਧਾਈਆਂ ਵੀ ਮਿਲ ਰਹੀਆਂ ਹਨ।
ਨਵੀਂ ਪਾਰਟੀ ਦੇ ਐਲਾਨ ਤੋਂ ਬਾਅਦ ਹੀ ਸੋਸ਼ਲ ਮੀਡੀਆ 'ਤੇ ਰਜਨੀਕਾਂਤ ਟਰੈਂਡ ਕਰਨ ਲੱਗੇ।
ਉਨ੍ਹਾਂ ਨੂੰ ਟਵੀਟ ਕਰਕੇ ਬਾਲੀਵੁੱਡ ਸ਼ਹਿਨਸ਼ਾਹ ਅਮਿਤਾਭ ਬੱਚਨ ਨੇ ਵੀ ਵਧਾਈ ਦਿੱਤੀ ਹੈ।
ਉਨ੍ਹਾਂ ਲਿਖਿਆ, ''ਮੇਰੇ ਪਰਮ ਮਿੱਤਰ ਤੇ ਮੇਰੇ ਸਾਥੀ ਰਜਨੀਕਾਂਤ ਨੂੰ ਸ਼ੁਭਇੱਛਾਵਾਂ।''
ਉਧਰ ਅਦਾਕਾਰ ਕਬੀਰ ਬੇਦੀ ਨੇ ਟਵੀਟ ਕਰਦਿਆਂ ਲਿਖਿਆ, ''ਤਾਮਿਲਨਾਡੂ ਦੀ ਵੱਡੀ ਉਮੀਦ ਰਜਨੀਕਾਂਤ ਨੂੰ ਸਿਆਸੀ ਸਿਸਟਮ ਦੀ ਬਿਹਤਰੀ ਲਈ ਸ਼ੁਭਕਾਮਨਾਵਾਂ''
ਭਾਜਪਾ ਦੀ ਤਾਮਿਲਨਾਡੂ ਇਕਾਈ ਨੇ ਟਵੀਟ ਰਾਹੀਂ ਰਜਨੀਕਾਂਤ ਦੇ ਸਿਆਸਤ 'ਚ ਆਉਣ ਨੂੰ ਲੈ ਕੇ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
ਅਦਾਕਾਰ ਅਨੁਪਮ ਖੇਰ ਨੇ ਵੀ ਟਵੀਟ ਕਰਦਿਆਂ ਰਜਨੀਕਾਂਤ ਦੇ ਸਿਆਸਤ 'ਚ ਆਉਣ ਬਾਰੇ ਲਿਖਿਆ ਕਿ 2017 ਦੇ ਆਖਰੀ ਦਿਨ ਸਾਲ ਦੇ ਸਭ ਤੋਂ ਵੱਡੇ ਨਿਉਜ਼ ਮੇਕਰ ਰਜਨੀਕਾਂਤ ਸਿਆਸਤ 'ਚ ਆ ਗਏ ਹਨ। ਜੈ ਹੋ।
ਉਧਰ ਰਜਨੀਕਾਂਤ ਨੇ ਅਮਿਤਾਭ, ਕਮਲ ਹਾਸਨ ਤੇ ਅਦਾਕਾਰ ਮੋਹਨ ਬਾਬੂ ਵੱਲੋਂ ਮਿਲੀਆਂ ਵਧਾਈਆਂ ਤੇ ਧੰਨਵਾਦ ਕਰਦਿਆਂ ਮੁੜ੍ਹ ਟਵੀਟ ਕੀਤਾ ਹੈ।
ਖ਼ਬਰ ਏਜੰਸੀ ਏ ਐੱਨ ਆਈ ਨਾਲ ਗੱਲ ਕਰਦਿਆਂ ਭਾਜਪਾ ਨੇਤਾ ਸੁਬਰਮਨੀਅਮ ਸਵਾਮੀ ਨੇ ਰਜਨੀਕਾਂਤ ਨੂੰ ਅਨਪੜ੍ਹ ਕਿਹਾ।
ਰਜਨੀਕਾਂਤ ਨੇ ਸਾਲ 2017 ਦੇ ਅਖ਼ੀਰਲੇ ਦਿਨ ਸਿਆਸਤ 'ਚ ਆਉਣ ਬਾਬਤ ਐਲਾਨ ਕੀਤਾ।
ਸੂਬੇ ਦੀ ਮਨਪਸੰਦ ਮੁੱਖ ਮੰਤਰੀ ਜੈਲਲਿਤਾ ਦੇ ਦੇਹਾਂਤ ਤੋਂ ਬਾਅਦ ਤੋਂ ਹੀ ਰਜਨੀਕਾਂਤ ਦੇ ਸਿਆਸਤ ਵਿੱਚ ਉਤਰਨ ਦੇ ਕਿਆਸ ਲੱਗ ਰਹੇ ਸਨ।
