ਵਿਸ਼ਵ ਕੱਪ: ਭਾਰਤ ਨੇ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਹਰਾਇਆ, ਵਨ ਡੇਅ ਵਰਲਡ ਕੱਪ 'ਚ ਭਾਰਤ ਦੀ ਪਾਕ ਉੱਤੇ 8ਵੀਂ ਜਿੱਤ
ਤਸਵੀਰ ਸਰੋਤ, Getty Images
ਕ੍ਰਿਕਟ ਵਰਲਡ ਕੱਪ 2023 ਵਿੱਚ ਭਾਰਤ ਨੇ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਮਾਤ ਦੇ ਦਿੱਤੀ ਹੈ। ਪਾਕਿਸਤਾਨ ਦੇ 192 ਦੌੜਾਂ ਦੇ ਟੀਚੇ ਨੂੰ ਭਾਰਤ ਨੇ 30.3 ਓਵਰਾਂ ਵਿੱਚ ਹਾਸਲ ਕਰ ਲਿਆ।
ਭਾਰਤ ਵੱਲੋਂ ਕਪਤਾਨ ਰੋਹਿਤ ਸ਼ਰਮਾ ਨੇ 86 ਦੌੜਾਂ ਅਤੇ ਸ਼੍ਰੇਯਸ ਅਈਅਰ ਨੇ ਨਾਬਾਦ ਅਰਧ ਸੈਂਕੜਾ ਜੜਿਆ।ਇਹ ਵਨ ਡੇਅ ਵਰਲਡ ਕੱਪ ਵਿੱਚ ਪਾਕਿਸਤਾਨ ਉੱਤੇ ਭਾਰਤ ਦੀ ਲਗਾਤਾਰ 8ਵੀਂ ਜਿੱਤ ਹੈ।
ਤਸਵੀਰ ਸਰੋਤ, Getty Images
ਭਾਰਤ ਹੁਣ ਵਰਲਡ ਕੱਪ 2023 ਵਿੱਚ ਲਗਾਤਾਰ ਤਿੰਨ ਮੁਕਾਬਲੇ ਜਿੱਤ ਚੁੱਕਿਆ ਹੈ।
ਭਾਰਤੀ ਪਾਰੀ ਦੀ ਸ਼ੁਰੂਆਤ ਤੇਜ਼ ਹੋਈ। ਰੋਹਿਤ ਤੇ ਸ਼ੁਭਮਨ ਗਿੱਲ ਨੇ ਸ਼ੁਰੂਆਤੀ ਦੋ ਓਵਰਾਂ ਵਿੱਚ 22 ਦੌੜਾਂ ਬਣਾਈਆਂ।
ਤਸਵੀਰ ਸਰੋਤ, Getty Images
ਤੀਜੇ ਓਵਰ ਵਿੱਚ ਗਿੱਲ ਨੂੰ ਸ਼ਾਹੀਨ ਸ਼ਾਹ ਅਫ਼ਰੀਦੀ ਨੇ ਆਊਟ ਕਰ ਦਿੱਤਾ। ਗਿੱਲ ਨੇ 16 ਦੌੜਾਂ ਬਣਾਈਆਂ। ਇਸ ਤੋਂ ਬਾਅਦ ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਨੇ ਦੂਜੀ ਵਿਕਟ ਲਈ ਤੇਜ਼ੀ ਨਾਲ 56 ਦੌੜਾਂ ਬਣਾਈਆਂ।
ਪਰ 10ਵੇਂ ਓਵਰ ਵਿੱਚ ਹਸਨ ਅਲੀ ਨੇ ਵਿਰਾਟ ਕੋਹਲੀ ਨੂੰ ਆਊਟ ਕਰਕੇ ਭਾਰਤ ਨੂੰ ਦੂਜਾ ਝਟਕਾ ਦਿੱਤਾ। ਵਿਰਾਟ ਨੇ 18 ਗੇਂਦਾਂ ਉੱਤੇ 16 ਦੌੜਾਂ ਬਣਾਈਆਂ।
ਤਸਵੀਰ ਸਰੋਤ, Getty Images
ਰੋਹਿਤ ਸ਼ਰਮਾ ਨੇ ਸਿਰਫ਼ 36 ਗੇਂਦਾਂ ਵਿੱਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਇਹ ਵਨਡੇਅ ਕ੍ਰਿਕਟ ਵਿੱਚ ਉਨ੍ਹਾਂ ਦਾ 53ਵਾਂ ਅਰਧ ਸੈਂਕੜਾ ਰਿਹਾ। ਉਧਰ ਪਾਕਿਸਤਾਨ ਖ਼ਿਲਾਫ਼ ਰੋਹਿਤ ਨੇ 8ਵੀਂ ਵਾਰ ਹਾਫ਼ ਸੈਂਚੁਰੀ ਦੀ ਪਾਰੀ ਖੇਡੀ ਹੈ।
ਆਖ਼ਰਕਾਰ ਰੋਹਿਤ ਦੀ ਤੂਫ਼ਾਨੀ ਪਾਰੀ 22ਵੇਂ ਓਵਰ ਵਿੱਚ ਰੁੱਕ ਗਈ, ਜਦੋਂ ਉਹ ਸ਼ਾਹੀਨ ਸ਼ਾਹ ਅਫ਼ਰੀਦੀ ਦੀ ਗੇਂਦ ਉੱਤੇ ਇਫ਼ਤਖ਼ਾਰ ਅਹਿਮਦ ਨੂੰ ਕੈਚ ਦੇ ਬੈਠੇ।
ਰੋਹਿਤ ਨੇ ਸਿਰਫ਼ 63 ਗੇਂਦਾਂ ਉੱਤੇ 86 ਦੌੜਾਂ ਬਣਾਈਆਂ। ਰੋਹਿਤ ਨੇ ਅਫ਼ਗਾਨਿਸਤਾਨ ਖ਼ਿਲਾਫ਼ ਪਿਛਲੇ ਮੈਚ ਵਿੱਚ ਐਨੀਆਂ ਹੀ ਗੇਂਦਾਂ ਉੱਤੇ ਸੈਂਚੁਰੀ ਮਾਰ ਕੇ ਭਾਰਤ ਵੱਲੋਂ ਵਰਲਡ ਕੱਪ ਵਿੱਚ ਸਭ ਤੋਂ ਤੇਜ਼ ਸੈਂਚੁਰੀ ਦਾ ਰਿਕਾਰਡ ਆਪਣੇ ਨਾਮ ਕੀਤਾ ਸੀ।
ਤਸਵੀਰ ਸਰੋਤ, Getty Images
ਅਮਿਤ ਸ਼ਾਹ ਨੇ ਦਿੱਤੀ ਵਧਾਈ
ਭਾਰਤ-ਪਾਕਿਸਤਾਨ ਦਾ ਮੈਚ ਦੇਖਣ ਦੇਸ਼ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵੀ ਪਹੁੰਚੇ ਸਨ। ਜਿੱਤ ਤੋਂ ਬਾਅਦ ਉਨ੍ਹਾਂ ਨੇ ਭਾਰਤੀ ਟੀਮ ਨੂੰ ਵਧਾਈ ਦਿੱਤੀ।
ਅਮਿਤ ਸ਼ਾਹ ਨੇ ਐਕਸ ਉੱਤੇ ਲਿਖਿਆ, ‘‘ਇਸ ਸ਼ਾਨਦਾਰ ਜਿੱਤ ਲਈ ਸਾਡੀ ਕ੍ਰਿਕਟ ਟੀਮ ਨੂੰ ਬਹੁਤ ਵਧਾਈ। ਇੱਕ ਰੋਜ਼ਾ ਵਰਲਡ ਕੱਪ ਵਿੱਚ ਭਾਰਤੀ ਟੀਮ ਨੇ ਆਪਣੀ ਜਿੱਤ ਨੂੰ ਬਰਕਰਾਰ ਰੱਖਿਆ। ਤੁਸੀਂ ਸਭ ਨੇ ਦਿਖਾਇਆ ਕਿ ਕਿਸ ਤਰ੍ਹਾਂ ਟੀਮ ਵਰਕ ਨਾਲ ਆਪਣੇ ਦੇਸ਼ ਲਈ ਇੱਕ ਟੀਚੇ ਨੂੰ ਹਾਸਲ ਕੀਤਾ ਜਾ ਸਕਦਾ ਹੈ।’’
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 1
ਪਾਕਿਸਤਾਨ ਦੀ ਪਾਰੀ
ਇਸ ਤੋਂ ਪਹਿਲਾਂ ਟੌਸ ਜਿੱਤ ਕੇ ਪਾਕਿਸਤਾਨ ਨੂੰ ਪਹਿਲਾਂ ਬੱਲੇਬਾਜ਼ੀ ਲਈ ਉਤਾਰਨ ਤੋਂ ਬਾਅਦ ਭਾਰਤ ਨੇ ਆਪਣੀ ਗੇਂਦਬਾਜ਼ੀ ਦੀ ਬਦੌਲਤ ਮੈਚ ਵਿੱਚ ਉਸ ਨੂੰ ਪੈਰ ਨਹੀਂ ਰੱਖਣ ਦਿੱਤੇ
ਇਮਾ ਉਲ-ਹੱਕ ਅਤੇ ਅਬਦੁੱਲ੍ਹਾ ਸ਼ਫ਼ੀਕ ਨੇ ਪਾਰੀ ਦੀ ਸ਼ੁਰੂਆਤ ਕੀਤੀ ਪਰ ਭਾਰਤੀ ਗੇਂਦਬਾਜ਼ਾਂ ਨੇ ਉਨ੍ਹਾਂ ਨੂੰ ਖੁੱਲ਼੍ਹਣ ਦਾ ਮੌਕਾ ਨਹੀਂ ਦਿੱਤਾ।
8ਵੇਂ ਓਵਰ ਵਿੱਚ ਮੁਹੰਮਦ ਸਿਰਾਜ ਨੇ ਅਬਦੁੱਲ੍ਹਾ ਸ਼ਫ਼ੀਕ ਨੂੰ ਐੱਲਬੀਡਬਲਿਊ ਆਊਟ ਕਰ ਕੇ ਪਾਕਿਸਤਾਨ ਨੂੰ ਪਹਿਲਾ ਝਟਕਾ ਦਿੱਤਾ।
41 ਦੌੜਾਂ ਉੱਤੇ ਪਹਿਲਾ ਵਿਕਟ ਜਾਣ ਤੋਂ ਬਾਅਦ ਕਪਤਾਨ ਬਾਬਰ ਆਜ਼ਮ ਪਿੱਚ ਉੱਤੇ ਆਏ ਅਤੇ ਉਨ੍ਹਾਂ ਨੇ ਸੰਭਲ ਕੇ ਖੇਡਣਾ ਸ਼ੁਰੂ ਕੀਤਾ।
ਉਨ੍ਹਾਂ ਨੇ ਇਮਾਮ ਉਲ ਹੱਕ ਦੇ ਨਾਲ ਦੂਜੇ ਵਿਕਟ ਲਈ 32 ਦੌੜਾਂ ਜੋੜੀਆਂ।
ਤਸਵੀਰ ਸਰੋਤ, Getty Images
ਬਾਬਾ ਆਜ਼ਮ ਦਾ ਭਾਰਤ ਦੇ ਖਿਲਾਫ਼ ਪਹਿਲਾ ਸੈਂਕੜਾ
ਤਸਵੀਰ ਸਰੋਤ, Getty Images
13ਵੇਂ ਓਵਰ ਵਿੱਚ ਜਦੋਂ ਇਮਾਮ ਨੂੰ ਹਾਰਦਿਕ ਪਾਂਡਿਆ ਨੇ ਆਟ ਕੀਤਾ ਉਦੋਂ ਟੀਮ ਦਾ ਰਨ ਰੇਟ 5.69 ਪ੍ਰਤੀ ਓਵਰ ਸੀ।
ਮੁਹੰਮਦ ਰਿਜ਼ਵਾਨ ਪਿੱਚ ਉੱਤੇ ਆਏ ਅਤੇ ਬਾਬਰ ਆਜ਼ਮ ਦੇ ਨਾਲ ਉਨ੍ਹਾਂ ਨੇ ਤੀਜੇ ਵਿਕੇਟ ਦੇ ਲਈ 82 ਦੌੜਾਂ ਦੀ ਸਾਂਝੇਦਾਰੀ ਨਿਭਾਈ।
ਪਰ ਭਾਰਤੀ ਗੇਂਦਬਾਜਾਂ ਨੇ ਦੌੜਾਂ ਦੀ ਸਪੀਡ ਨਹੀਂ ਵਧਣ ਦਿੱਤੀ।
ਹਾਲਾਂਕਿ ਬਾਬਰ ਆਜ਼ਮ ਆਪਣਾ ਅਰਧ ਸੈਂਕੜਾ ਜਮਾਉਣ ਵਿੱਚ ਸਫਲ ਰਹੇ।
ਬਾਬਰ ਨੇ 58 ਗੇਂਦਾਂ ਉੱਤੇ 50 ਦੌੜਾਂ ਦੀ ਪਾਰੀ ਖੇਡੀ। ਇਹ ਬਾਬਰ ਆਜ਼ਮ ਦਾ ਭਾਰਤ ਦੇ ਖਿਲਾਫ਼ ਖੇਡੀਆਂ ਗਈਆਂ ਪਹਿਲੀਆਂ ਸੱਤ ਪਾਰੀਆਂ ਵਿੱਚੋਂ ਪਹਿਲਾ ਅਰਧ ਸੈਂਕੜਾ ਹੈ।
30ਵੇਂ ਓਵਰ ਦੀ ਚੌਥੀ ਗੇਂਦ ਉੱਤੇ ਮੁਹੰਮਦ ਸਿਰਾਜ ਨੇ ਪਾਕਿਸਤਾਨ ਦੇ ਕਪਤਾਨ ਬਾਬਰ ਆਜ਼ਮ ਨੂੰ ਬੋਲਡ ਕਰ ਦਿੱਤਾ।
ਸਿਰਫ਼ 16 ਦੌੜਾਂ ’ਤੇ ਪਾਕਿਸਤਾਨ ਦੇ 5 ਬੱਲੇਬਾਜ਼ ਆਊਟ
ਤਸਵੀਰ ਸਰੋਤ, Getty Images
32ਵੇਂ ਓਵਰ ਦੀ ਦੂਜੀ ਗੇਂਦ ਉੱਤੇ ਕੁਲਦੀਪ ਯਾਦਵ ਨੇ ਸਾਊਦ ਸ਼ਕੀਲ (06 ਦੌੜਾਂ) ਨੂੰ ਐਲਬੀਡਬਲਿਊ ਕਰਕੇ ਪਾਕਿਸਤਾਨ ਨੂੰ ਚੌਥਾ ਝਟਕਾ ਦਿੱਤਾ।
ਇਸੇ ਓਵਰ ਦੀ ਆਖ਼ਰੀ ਗੇਂਦ ਉੱਤੇ ਕੁਲਦੀਪ ਨੇ ਇਫਤਖਾਰ (04 ਦੌੜਾਂ) ਅਹਿਮਦ ਨੂੰ ਬੋਲਡ ਕਰ ਦਿੱਤਾ। ਇਸਦੇ ਨਾਲ ਹੀ ਪਾਕਿਸਤਾਨ ਦੀ ਅੱਧੀ ਟੀਮ ਪੈਵੇਲੀਅਨ ਪਰਤ ਗਈ।
ਇੱਥੇ ਰੋਹਿਤ ਸ਼ਰਮਾ ਨੇ ਬੁਮਰਾਹ ਨੂੰ ਗੇਂਦ ਦਿੱਤੀ ਅਤੇ ਉਨ੍ਹਾਂ ਨੇ ਕਪਤਾਨ ਨੂੰ ਨਿਰਾਸ਼ ਨਹੀਂ ਕੀਤਾ।
ਇਸ ਓਵਰ ਦੀ ਆਖ਼ਰੀ ਗੇਂਦ ਉੱਤੇ ਬੁਮਰਾਹ ਨੇ ਲੰਬੇ ਸਮੇਂ ਤੋਂ ਪਿੱਚ ਉੱਤੇ ਡਟੇ ਮੋਹੰਮਦ ਰਿਜ਼ਵਾਨ ਨੂੰ ਆਪਣੀ ਹੌਲੀ ਸਲੋਕਟਰ ਨਾਲ ਚਮਕਾ ਦਿੰਦੇ ਹੋਏ ਉਨ੍ਹਾਂ ਦੇ ਆਫ ਸਟੰਪ ਨੂੰ ਉਖਾੜ ਦਿੱਤਾ। ਰਿਜ਼ਵਾਨ ਨੇ 69 ਗੇਂਦਾਂ ਉੱਚੇ 49 ਦੌੜਾਂ ਬਣਾਈਆਂ।
ਸ਼ੋਇਬ ਅਖ਼ਤਰ ਕਿਉਂ ਹੋ ਗਏ ਨਾਰਾਜ਼
ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਸ਼ੋਇਬ ਅਖ਼ਤਰ ਨੇ ਪਾਕਿਸਤਾਨੀ ਟੀਮ ਦੀ ਬੱਲੇਬਾਜ਼ੀ ਉੱਤੇ ਨਾਰਾਜ਼ਗੀ ਜ਼ਾਹਿਰ ਕੀਤੀ ਹੈ।
ਸ਼ੋਇਬ ਅਖ਼ਤਰ ਨੇ ਇੱਕ ਵੀਡੀਓ ਵਿੱਚ ਕਿਹਾ ਕਿ ਉਹ ਪਾਕਿਸਤਾਨ ਦੇ ਪ੍ਰਦਰਸ਼ਨ ਤੋਂ ਕਾਫ਼ੀ ਨਿਰਾਸ਼ ਹਨ।
ਇਸ ਲੇਖ ਵਿੱਚ X ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ X ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of X post, 2
ਪਾਕਿਸਤਾਨ ਦੀਆਂ ਆਖਰੀ 8 ਵਿਕਟਾਂ ਸਿਰਫ਼ 36 ਦੌੜਾਂ ਵਿੱਚ ਗਈਆਂ
ਤਸਵੀਰ ਸਰੋਤ, Getty Images
ਬੁਮਰਾਹ ਨੇ ਆਪਣੇ ਅਗਲੇ ਓਵਰ ਵਿੱਚ ਸ਼ਾਦਾਬ ਖ਼ਾਨ ਦੇ ਵੀ ਆਫ਼ ਸਟੰਪਸ ਨੂੰ ਪੁੱਟ ਸੁੱਟਿਆ।
ਭਾਰਤੀ ਗੇਂਦਬਾਜ਼ਾਂ ਦੀ ਜ਼ੋਰਦਾਰ ਗੇਂਦਬਾਜ਼ੀ ਦੀ ਬਦੌਲਤ ਪਾਕਿਸਤਾਨ ਦੀ ਰਣਨੀਤੀ ਹਿੱਲ ਗਈ।
ਇਸ ਦੀ ਬਦੌਲਤ ਇੱਕ ਵੇਲੇ ਦੋ ਵਿਕਟਾਂ ਉੱਤੇ 155 ਸਕੋਰ ਦੇ ਨਾਲ ਖੇਡ ਰਹੀ ਪਾਕਿਸਤਾਨ ਦੀ ਟੀਮ ਨੇ ਸਿਰਫ਼ 16 ਦੌੜਾਂ ਉੱਤੇ ਆਪਣੀਆਂ ਪੰਜ ਵਿਕਟਾਂ ਗੁਆ ਲਈਆਂ
40ਵੇਂ ਓਵਰ ਦੀ ਪਹਿਲੀ ਗੇਂਦ ਉੱਤੇ ਰਵਿੰਦਰ ਜਡੇਜਾ ਨੇ ਹਸਨ ਅਲੀ ਨੂੰ ਸ਼ੁਭਮਨ ਗਿੱਲ ਦੇ ਹੱਥੀਂ ਕੇਚ ਆਊਟ ਕਰਵਾ ਦਿੱਤਾ।
ਪਾਕਿਸਤਾਨ ਦੀ ਪੂਰੀ ਟੀਮ 42.5 ਓਵਰਾਂ ਵਿੱਚ 191 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਪਾਕਿਸਤਾਨ ਦੀਆਂ ਆਖਰੀ ਅੱਠ ਵਿਕਟਾਂ ਸਿਰਫ਼ 36 ਦੌੜਾਂ ਵਿੱਚ ਗਈਆਂ।
ਭਾਰਤ ਵੱਲੋਂ ਬੁਮਰਾਹ, ਸਿਰਾਜ, ਕੁਲਦੀਪ, ਪਾਂਡਿਆ ਅਤੇ ਜਡੇਜਾ ਨੇ ਦੋ-ਦੋ ਪਾਕਿਸਾਨੀ ਬੱਲੇਬਾਜ਼ਾਂ ਨੂੰ ਆਊਟ ਕੀਤਾ।
