25 feem to look forward to in 2025

For 2025 Superman, Avatar and Bridget Jones, along wit new feems from Bong Joon-ho, Paul Thomas Anderson and Ryan Coogler go return to di screen.

Elio

Pixar animation studio don do cartoon about aliens: Elio. Di hero na one shy young boy wey dey obsessed wit outer space.

Release date na June 2025

Bridget Jones: Mad About the Boy

Twenty-four years afta Bridget Jones Diary, Renée Zellweger return in di fourth film in di series as middle-aged Bridget, wit different life but di same qualities wey make her popular in di first place.

Release date na on 13 February on Peacock for US and 14 February for UK cinemas

Sinners

Michael B Jordan and director Ryan Coogler don form exciting collaborations in di past. Dia fifth feem togeda na socially conscious horror story wey Coogler write. Coogler neva make weak film so far, and Sinners go continue im fame.

Release date na18 April 2025 for di US and UK

F1

F1 star Brad Pitt as 1990s car-racing champion wey come out of retirement to mentor one rookie, wey Damson Idris play. One selling point for di feem be say dem shoot am for real racing circuits, and feature many real Formula One drivers.

Release date na June 2025

A Big Bold Beautiful Journey

Margot Robbie and Colin Farrell star for dis romantic fantasy wey Kogonada direct. Farrell play David, wey dey drive go wedding, inside one1996 car, wen im meet Sarah (Robbie). Di strangers go off togeda, and discover say dem get secretive connection.

Release date na 9 May

The Running Man

The Running Man na novel by Stephen King, using di pseudonym Richard Bachman, wey im publish in 1982. E dey similar to Squid Game.

Release date na November 2025

Avatar: Fire and Ash

Avatar: Fire and Ash dey due to come out three years afta Avatar: Avatar: Fire and Ash go fit join dem in box-office history? Sam Worthington and Zoe Saldaña don return back as blue-skinned Na'vi on di moon of Pandora – and dis time, dem dey against Na'vi baddies tribe, di "Ash pipo", wey dey live for volcano.

Release date na December 2025

28 Years Later

Di masterful zombie-apocalypse movie 28 Days Later (2002) quickly become classic, wit Cillian Murphy as survivor afta virus cause pipo to turn into walking dead. Di feem dey resonate wit post-pandemic world.

Release date na 20 June for US and UK

Mickey 17

Bong Joon-ho na im direct Parasite, di first international feem wey no dey in English language to win di Oscar for best picture.

But dat one come out back in 2019, so we don dey wait a long time for di Korean director follow-up. One year ago, in fact, Mickey 17 bin dey for BBC list of films to watch in 2024, but dem push im release date back, so we get to put am on di list again.

Untitled Paul Thomas Anderson feem

Almost everytin about di new feem from Paul Thomas Anderson dey in secrecy except from di fact of di existence, but dis na one good reason to look forward to am.

Release date na 8 August for US and UK

Wake Up Dead Man

Wake Up Dead Man na by Rian Johnson, and once again im name am afta pop song (by U2). E also star Josh Brolin, Thomas Haden Church, Mila Kunis, Jeremy Renner, Andrew Scott and Cailee Spaeny.

Release date na in 2025

The Bride

Maggie Gyllenhaal prove say she be di director wit her vision for her first film, The Lost Daughter (2021), na adaptation of Elena Ferrante novel. She make bolder move with imaginative take on The Bride of Frankenstein, set in Chicago in di 1930s.

Release date na 26 September 2025 for US and UK

Roofman

Dis true crime story and romance from Derek Cianfrance (Blue Valentine) sound easy. Channing Tatum star as di real-life Jeffrey Manchester, wey dey rob for McDonald by cutting holes in di roof. Di feem focus on im escape from prison and di crimes e commit afta.

Release date na 3 October 2025

Mission: Impossible – The Final Reckoning

The Final Reckoning fit be di final Mission: Impossible feem? Di action series start back in 1996, and e star, Tom Cruise.

Release date na May 2025

Wicked: For Good

Wicked don make ova 500m dollars for box office, so doubt no dey about di audience for dis feem.

Release date na 21 November 2025 in di US and UK

The Ballad of a Small Player

Afta Conclave, one of di best of 2024, and di Oscar-winning All Quiet on di Western Front (2022), Edward Berger don become director wey im feem go dey promising list for di year.

Release date na for 2025.

Love Hurts

Di return of Ke Huy Quan na one of Hollywood most heartening comeback stories. Quan act for Everything Everywhere All at Once wia im win Oscar for im performance. Now e wan release im own feem Love Hurts.

Release date na February 2025

Frankenstein

Guillermo del Toro bring im unique vision to di ultimate horror story inside Frankenstein.

E go release for 2025.

The Fantastic Four

Marvel superhero feem neva regain dia momentum afta Avengers: Endgame come out in 2019. In 2023, di studio suffer two outright flops, but Marvel dey hope to bounce back wit three potential blockbusters for 2025. The Fantastic Four.

Release date na July 2025

Superman

Hollywood major superhero feem studios dey relaunch dia movies for 2025. Marvel wan reboot dia previous films and star several oda DC superheroes for dia feems.

Release date na July 2025.

Materialists

Celine Song first film na Oscar-nominated Past Lives (2023). Materialists lead Dakota Johnson wey dem call Lucy for di feem, she be matchmaker wey dey deal wit her own romantic dilemma.

Release date na in 2025.

Golden

Pharrell Williams wan produce documentary on di Atlantis Apartments for Virginia Beach, di feem na about di coming-of-age musical set in di summer of 1977.

Release date na May 2025.

Snow White

Di remake of Disney Snow White, a new version of di studio very first animated feature film, 1937 Snow White and the Seven Dwarfs dey make headlines already.

E don cause controversy on social media for all sorts of reasons, including di ethnicity and di politics of im stars, and a screenplay wey dey (co-written by Greta Gerwig) wey reimagine Snow White (Rachel Zegler) as a rebel leader wey lead revolution against her wicked stepmother (Gal Gadot).

E go release for March 2025.

Untitled Noah Baumbach

Just trust am. Noah Baumbach, di writer and director of Marriage Story and The Squid and the Whale, know wetin e dey do, even if Netflix no dey ready to say much about wetin e be yet, dem no even give title. Na comedy wey dey written with Emily Mortimer (The Pursuit of Love) and cast people you no go bin think say belong in di same film. George Clooney star for im first film with Baumbach, along with Adam Sandler, wey be a central character in di director The Meyerowitz Stories.

E go dey released for 2025.

Mother Mary

David Lowery dey exceptional wit supernatural dramas. Wetin Lowery don confam be say Mother Mary na "epic melodrama" about di relationship between one pop star (played by Anne Hathaway) and a fashion designer (played by Michaela Coel) wey design her dress.

E go dey released in 2025.