France go officially recognise Palestinian state - Macron

France go officially recognise a Palestinian state in September, President Emmanuel Macron has said, which will make it the first G7 nation to do so.

In a post on X, Macron said the formal announcement would be made at a session of the UN General Assembly in New York.

"Di urgent need today na for di war in Gaza to end and for di civilian population to be rescued. Peace dey possible. We need immediate ceasefire, di release of all hostages, and massive humanitarian aid to di pipo of Gaza," e write.

Palestinian officials welcome Macron decision, while Israeli Prime Minister Benjamin Netanyahu say dimove "rewards terror" following Hamas 7 October 2023 attack in Israel.

US "strongly reject" Macron announcement, Secretary of State Marco Rubio tok, as e call di decision "reckless".

Di G7 na a group of major industrialised nations, wey togeda wit France include US, UK, Italy, Germany, Canada and Japan.

For im Thursday post on X, Macron write: "True to im historic commitment to a just and lasting peace for di Middle East, I don decide say France go recognise the State of Palestine.

"We must also guarantee di demilitarisation of Hamas, and secure and rebuild Gaza.

"Finally, we must build di State of Palestine, ensure say e dey viable, and ensure say by accepting im demilitarisation and fully recognising Israel, e contribute to di security of all for di Middle East. Alternative no dey."

Macron also attach one letter to Palestinian Authority President Mahmoud Abbas confirming im decision.

Responding to Macron announcement, Abbas deputy Hussein al-Sheikh say, "dis position show France commitment to international law and im support for di Palestinian pipo rights to self-determination and di establishment of our independent state", according to AFP news agency.

Meanwhile, Netanyahu write for post on X: "We strongly condemn President Macron decision to recognise a Palestinian state next to Tel Aviv after di 7 October massacre.

"A Palestinian state in dis conditions go be a launch pad to finish Israel - not to live in peace beside am. Make we dey clear: di Palestinians no dey find a state alongside Israel; dem dey find a state instead of Israel," Netanyahu add.

Hamas say France decision na a "positive step in di right direction" and ask all countries of di world "to follow France lead".

Currently, di State of Palestine dey recognised by more than 140 of di 193 member states of the UN.

Some European Union countries, including Spain and Ireland, dey among dem.

But Israel main supporter, US, and im allies including UK neva recognise a Palestinian state.

Inside statement on Thursday, UK Prime Minister Sir Keir Starmer say e go hold "emergency call" with French and German leaders on Friday to discuss "wetin we fit do urgently to stop di killing".

Statehood na "inalienable right of di Palestinian pipo", Sir Keir tok, adding say a ceasefire go "put us on a path to di recognition of a Palestinian state and a two-state solution".

Sir Keir statement come as e face growing pressure, including from im own MPs, for UK to follow France lead.

On Friday, a majority of MPs for di foreign affairs committee, wey dey chook eye for UK foreign policy, call for di immediate recognition of di state of Palestine, adding say make e make de move "while state still dey to recognise".

"An inalienable right no suppose dey conditional," one committee report tok.

Saudi Arabia foreign ministry praise France decision, say e "confam di international community position on di Palestinian pipo right to self-determination and di establishment of independent state".

Di Israeli military launch campaign for Gaza in response to di attack on southern Israel, wia about 1,200 pipo bin dey killed and 251 odas dey aken hostage.

At least 59,106 pipo don dey killed for Gaza since den, according to di territory health ministry.

Most of Gaza don dey levelled since den.

Earlier on Thursday, UN Palestinian refugee agency (Unrwa) say one in five children for Gaza City now dey malnourished and cases were increasing every day.

More dan 100 international aid organisations and human rights groups don also warn of mass starvation for di Gaza Strip - pressing for govments to take action.

Israel, wey dey control di entry of all supplies into di Palestinian territory, don repeatedly say siege no dey, as dem blame Hamas for any case of malnutrition.

Countries wey don recognise di State of Palestine

More than 140 of di 193 member states of the UN recognise di State of Palestine.

Kontris such as Spain, Ireland, Armenia, Slovenia, Norway, the Bahamas, Trinidad and Tobago, Jamaica and Barbados don recognise di State of Palestine.

Some kontris in Middle East, Africa and Asia don also recognise Palestinian as a state.

Countries wey neva recognise as di State of Palestine

Israel main supporter, US, and UK neva recognise Palestinian state.

Some European kontri such as Slovenia, Malta and Belgium neva recognise di State of Palestine.

Australia, Canada, Japan and South Korea also neva officially recognise Palestinian as a state.