تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کانګو کې اورشیندی؛ له ګوما ښاره اوسېدونکي وتلو ته اړ شوي
د کانګو دېموکراتیک جمهوریت په ګوما ښار کې د اورشیندي له کبله خلکو ته له کورونو د وتلو امر شوی دی.
د ګوما ښار کابو دوه میلیون اوسېدونکو د اورشیندي له سیمو وتلي او خوندي سیمو ته یې پنا وړې ده.
په وروستي ځل په ۲۰۰۲ کال کې د دغه ښار په نژدې ۱۰ کیلومترۍ کې اورشیندي پیل شوي وو چې لږترلږه ۲۵۰ کسان یې ووژل او ۱۲۰ زره کسانو کورونه یې ویجاړ کړل.
د کانګو جمهوریت یوه ویاند پر ټویټر لیکلي: "د ګوما ښار د وګړو ایستل عملاً پیل شوي. دولت اوس د بېړنیو پرېکړو نیولو په درشل کې دی".
ددغه ښار یوه اوسېدونکي کارین امبالا د فرانسې خبري اژانس ته ویلي: "د ګوګړ بوی هر ځای ته رسېدلی. له لیرې له غره نه د اورشیندي لمبې لیدل کېږي".
له خلکو غوښتل شوي چې د سیک ښار ته وخوځېږي.
د روانډا "نیو ټایمز" خپرنۍ یوه وېډیو خپره کړې چې له کانګو سره پر پوله د رواندا روباوو ښار کې اورشیندي ښيي.
په ۱۹۷۷ کال کې تر ټولو خونړی اورشیندی راغلی و چې تر ۶۰۰ ډېر کسان یې ووژل.
د ګوما اورشیندي ته د رسېدنې ادارې ویلي، د کافي بودیجې د نشتوالي له کبله له ستونزو سره مخامخ ده.
