هند کې توپان سلګونو کسانو ته مرګ ژوبله اړولې
د عکس سرچینه، PTI
د هند په سوېل راجستان او اوتر پردېش ایالتونو کې توپان لږترلږه ۷۴ کسانو ژوند اخیستی.
د ریپوټونو له مخې توپان کې په سلګونه کسان ټپیان شوي هم دي.
د تالندې د ډېروالي له امله د کورونو چتونه را غورځېدلي. ډېری وژل شوي کسان په کورونو کې ویده وو چې د کورونو چتونه پرې لوېدلي دي.
دې ټوپان ونو او ځنګلونو ته هم زیان اړولی.
چارواکي وايي، مرستندویه کسان سیمې ته رسېدلي دي.
په دې سیمه کې د توپان راتلل عادي خبره ده خو د وژل شوو کسانو د شمېر ډېروالی بې ساری دی.
هندي چارواکو ویلي د وژل شوو کسانو شمېر به له دې هم لوړ شي.
دوی زیاتوي له هغو کسانو سره به مرسته کوي چې په دې ټوپان کې زیانمن شوي.
