د اوباما او میشل د یادښتونو کتاب چاپېږي
د عکس سرچینه، AFP
د نړۍ یو تر ټولو لوی خپرندویه شرکت (پېنګوېن) اعلان کړی چې د امریکا د پخواني ولسمشر بارک اوباما او د هغه د مېرمنې مېشل اوباما د یادښتونو چاپولو قرارداد یې ګټلی دی.
د (پېنګوېن) شرکت مرکز په نیویار کې دی. دوی وایي، د بارک اوباما او د مېشل اوباما یادښتونه به په دوو بېلابېلو کتابونو کې چاپوي.
خو پېنګوېن شرکت په دې اړه څه نه دي ویلي چې د دې کتابونو په بدل کې به اوباما او د هغه مېرمنې ته څومره حق الزحمه ورکوي.
د دې کتابونو د چاپ قرارداد ليلام ته وړاندې شوی و، چې یو وخت یې بیه ان تر شپېته میلیونه ډالرو رسېدلې وه.
یاده دې وي چې پخواني ولسمشر اوباما تر دې وړاندې هم یو کتاب چاپ کړی، چې عنوان یې دی 'زما د پلار خوبونه'.
د عکس سرچینه، Getty Images
د عکس سرچینه، Getty Images
میشل اوباما د خوړو او بڼوالۍ په اړه یو کتاب لیکلی دی.
د امریکا ولسمشر بارک اوباما د ماشومانو لپاره د "OF THEE I SING" په نامه کتاب چاپ کړی.
بارک اوباما مخکې له دې چې د ۲۰۰۹ کال په جنورۍ میاشت کې د امریکا ولسمشر شي، دا کتاب لیکلی و.
د عکس سرچینه، Getty Images
