فېسبوک به چین کې د سانسورولو چاره کې 'مرسته وکړي'
د عکس سرچینه، AP
نیویارک ټایمز ورځپاڼې رپوټ ورکړی چې ټولنیزه شبکه فېسبوک داسې سافټ وېر باندې کار کړی چې کولی شي د فېسبوک ځانګړې برخې په چین کې سانسور کړي.
د فېسبوک اداره په دې هکله چې داسې کوم سافټ وېر دې یې جوړ کړی وي، څه نه وايي خو به یوې اعلامیې کې یې ویلي چې د چین د مطالعه کولو لپاره یې یو څه وخت لګولی دی.
د فېسبوک یوې ویاندې ویلي چې په چین کې د فېسبوک د خدماتو په هکله کومه پرېکړه تراوسه نه ده شوې.
خو پر انلاین د خوندیتوب ځینې کمپنۍ وايي چې د فېسبوک د سانسورولو پروژه ښه نه ده. دوی د فېسبوک هغه کارکوونکی ستایلی چې دغه موضوع یې روښانه کړې ده.
د عکس سرچینه، AFP
خو نیویارک ټایمز د فېسبوک د همدې کارکوونکې له قوله لیکي دا سافټ وېر به هم لکه د ځینو نورو په څېر چې فېسبوک په تېر کې جوړ کړی هېڅکله ونه کارول شي.
په چین کې د فېسبوک یو اعشاره اته میلیارده فعال کاروونکي شته خو له ۲۰۰۹ کال راهیسې، دغلته د فېسبوک کارونې یوازینۍ لار د شخصي انټرنټي شبکو له خوا د یوه سافټ ویر په مټ ده چې د کاروونکي اصلي ځای نه ښي.
د عکس سرچینه، Getty Images
ډېر ځله فېسبوک هغه شیان له پاڼو لېرې کوي چې د چین حکومت یې د لېرې کولو غوښتنه وکړي.
په دې وروستیو کې د فېسبوک بنسټ اېښوودونکي مارک زوکربرګ له چینايي مشرانو سره هم لیده کاته درلود.
