ويل کيږي چې لېبيايي نژاد ابوالليث اللېبي له اسامه بن لادن او ايمن الظواهري وروسه د القاعده له مهو مشرانو څخه گڼل کېده.

امريکايي چارواکو هم د افغانستان او پاکستان لپاره د القاعده د يو مهم مشر د وژلو خبر تاييد کړى دى.

د امريکا څارگرو ادارو له ډېره وخته نوموړى څاره او د هغه په اړه ډېر معلومات پټ ساتل کېدل.

که څه هم په واشنگټن کې چارواکو په دې اړه له څه ويلو ډډه کړې خو ويل کيږي چې درې ورځې وړاندې د پاکستان په قبايلي سيمه جنوبي وزيرستان کې په يو کور باندې تر سره شوي بريد کې ابو الليث په نښه شوى وو.

دغه بريد د بې پيلوټه الوتکې په مټ شوى وو.

په هغه بريد کې نږدې لس تنه وسله وال وژل شوي وو.

په پاکستان کې يوې انگليسي ژبې ورځپاڼې ويلي ددې بريد موخه اللېبي او د القاعده بل د سر سړى عبيده المصري ول.

ستر گوزار  ابوالليث اللېبي په افغانستان او پاکستان کې د القاعده مهم مشر وو او د هغه وژنه القاعدې ته يو ستر گوزار دى کارپوهان

ويل کيږي چې لېبيايي نژاد ابوالليث اللېبي له اسامه بن لادن او ايمن الظواهري وروسه د القاعده له مهو مشرانو څخه گڼل کېده.

اللېبي د القاعده په څو وېډيوگانو کې څرگند شوى وو. هغه په افغانستان او د پاکستان په قبايلي سيمو کې فعاليت کاوو.

د کارپوهانو په باور په عمومي ډول او د ترهگريزو بريدونو په تر سره کولو کې د اللېبي وژنه د القاعده لپاره يو لوى گوزار دى.