امريکا او پاکستان په بيا بيا د ترهگرۍ پر ضد جگړې باندې غږيدلي او غږيږي

رپوټونه وايي ښاغلى باوچر به د دغۀ سفر په ترڅ کې له پاکستاني مشرتابۀ سره د دغه هيواد پر روانو سياسي حالاتو او له ترهگرۍ سره پر جگړې خبرې وکړي .

دا سفر په داسې وخت کې شوى چې په دې وروستيو کې داسې گنگوسې وې چې جنرال مشرف به بيړنى حالت اعلانوي .

پاکستاني مشرتابۀ دا رمنله چې ښاغلى مشرف د بيړني حالت اعلانولو ته نژدې شوى و خو په وروستيو شېبو کې ترې واوښت .

متحد ايالات په پاکستان کې د ټول ټاکنو غوښتونکى بلل شوى او ويل شوي چې واشنگټن به يوازې د ديموکراتيک او ټاکل شوي پاکستاني حکومت ملاتړ کوي .

د ښاغلي باوچر د سفر بله مهمه خبره له ترهگرۍ سره په جگړه کې د پاکستان رول دى .

واشنگټن په دې وروستيو کې د اسلام اباد له هڅو خوښ نه دى او په پرله پس ېتوگه غوښتنه لري چې په قبايلي سيمو کې دې اسلام پالي اورپکي او القاعده کابو کړي ..