طاهر خان له اسلام اباد څخه

	ريچرډ باوچر له کابله وروسته اسلام اباد ته په داسې وخت کې سفر کوي چې د دغو دواړو پلازمېنو ترمنځ اړيکي تر بل هر کله په بد حالت کې دي

دولتي او ډيپلوميټکي خبري سرچينو بي بي سي ته وويل چې ښاغلي باوچر د پاکستان او افغانستان ترمينځ په ښو اړيکو لرلو او د بې باورۍ په ليرې کولو ټينګار وکړ.

رچرډ باوچر په داسې حال کې له کابل وروسته اسلام اباد ته راغلى چې د پاکستان او افغانستان ترمينځ په پاک افغان پوله د پاکستان له خوا د ديوال درولو او ماينونو ښخولو وړانديز ته افغانستان د قهر نه ډک غبرګون څرګند کړ.

اسلام اباد کې د جرمني سفير ويلي چې هيواد يې او اروپايي ټولنه هم د پاکستان وړانديز سره موافق نه دى.

خبري سرچينې وايي چې رچرډ باوچر ولسمشر جنرال مشرف سره د سيمې د امنيت او په دوه اړخيزه مسالو هم خبرې وکړې.

اسلام اباد کې د جرمني سفير ويلي چې هيواد يې او اروپايي ټولنه هم د پاکستان وړانديز سره موافق نه دى.

رچرډ باوچر تيره شپه د پاکستان په دوه ورځني سفر اسلام آباد ته راورسيد چې نن سهار ( جمعه د جنوري ١٢ ) يې د بهرنيو چارو له وزير خورشيد محمود قصوري سره هم خبرې وکړې.

د بهنيو چارو وزارت سرچينى وايي چې د دواړو وزيرانو په خبرو کې هم مهمه موضوع د پاکستان او افغانستان ترمينځ د تشنج د کمولو په لارو غور کول وو.

د پاکستان تر سفر وړاندې رچرډ باوچر کابل ته هم ورغلى و او افغان مشرانو سره يې د امنيت او د پاکستان او افغانستان ترمينځ د تاوتريخوالي په اړه خبرې کړې وې.

د امريکې د بهرنيو چارو مرستيال وزير کابل کې يو خبري کانفرنس ته په خپله وينا کې د سخت دريځو په ضد د پاکستان هلې ځلې وستايلې.