د بغلان په بريد کې د قربانيانو ډيره برخه د ښوونځي د ماشومانو وه

د خبري اژانسونو د شميرو سره سم په تيرو څو کلونو کې د ځاني تاوان له پلوه د افغانستان تر ټولو بدې پېښې په دې ډول وې :

٢٠٠٢ کال د سپتمبر ٥ نېټه :
په کابل کې د اطلاعاتو کلتور وزارت ته نژدې په موټر کې ځاى پر ځاى شوي بم لږ تر لږه ٢٦ کسان ووژل او ١٥٠ نور يې ټپيان کړل .

٢٠٠٣ کال د اگست ١٣ نېټه :
په هلمند کې يوۀ ځانمرگي ١٥ کسان ووژل چې ښځې او ماشومان هم پکې و .

٢٠٠٤ د جنوري ٦ نېټه :
په کندهار کې د يوې لارۍ له چولو سره لږ تر لږه ١٢ کسان ووژل شول چې اته کسه يې ماشومان و .

٢٠٠٥ د جون ١٣ :
د کندهار په يوۀ جومات کې ځانمرگي بريدکوونکي د پوليسو د يوۀ مشر په گډون ٢٠ کسه ووژل .

٢٠٠٦ د جنوري ١٧ :
د کندهار په سپين بولدک ولسوالۍ کې ځانمرگي بريد کوونکي لږ تر لږه ٢٠ کسه ووژل .

٢٠٠٦ د اگست ٣ :
په کندهار کې يوۀ ځانمرگي لږ تر لږه ٢١ کسه ووژل .

٢٠٠٦ د سپتمبر ٨ :
په کابل کې د امريکا سفارت ته نژدې ځانمرگي بريد ١٤ کسه ووژل چې دوه پکې امريکايي سرتيري و .

٢٠٠٦ د سپتمبر ٣٠ :
په کابل کې د کورنيو چارو د وزارت په خولۀ کې ځانمرگي بريد ١٣ کسان ووژل .

٢٠٠٧ د فبروري ٢٧ :
د امريکا د مرستيال ولسمشر ديک چيني د سفر په ترڅ کې د بگرام هوايي اډې ته نژدې ځانمرگي لږ تر لږه ١٤ کسان ووژل .

٢٠٠٧ د مۍ ١٧ :
په کندهار کې د اطلعاتو کلتور د وزير کريم خرم پر ضد شوي ځانمرگي بريد ١١ کسان ووژل او وزير يې ټپي کړ .

٢٠٠٧ د جون ١٧ :
په کابل کې د پوليسو په يوۀ گاډي کې ځانمرگي بريد ٢٤ کسان ووژل .

٢٠٠٧ د جولاى ٥ :
د کندهار په سپين بولدک ولسوالۍ کې د پوليسو په جامۀ پټ ځانمرگي ١٠ کسان ووژل .

٢٠٠٧ د جولاى ١٠ :
د ارزگان په دهراوت ولسوالۍ کې ځانمرگي بريد ١٧ ملکي کسان ووژل چې ډيره برخه يې د ښوونځي د ماشومانو وه .

٢٠٠٧ د اگست ١٨ :
په کندهار کې ځانمرگي بريد لږ تر لږه ١٥ کسان ووژل .

٢٠٠٧ د سپتمبر ١٠ :
د هلمند په گريشک کې دوو پرله پسې ځانمرگو بريدونو لږ تر لږه ٢٦ ملکي کسان ووژل .

٢٠٠٧ د سپتمبر ٢٩ :
په کابل کې د پوځ پر يوۀ گاډي ځانمرگي بريد ٣٠ کسه ووژل .

٢٠٠٧ د اکتوبر ٢ :
په کابل کې د پوليسو پر گاډي ځانمرگي بريد ١١ کسان ووژل .

٢٠٠٧ د نومبر ٧ :
په بغلان کې ځانمرگي بريد لږ تر لږه ٤١ کسان ووژل چې ډيره برخه يې د ښوونځي د ماشومانو وه ،د ولسي جرگې ٦ غړي هم په دغه بريد کې ووژل شول . په بغلان کې ډاکټران د وژل شويو کسانو شميره ډيره ښيي .