د خوست ولايت په دې وروستيو کې په پرتليزه توگه ارام و خو د ډيورنډ کرښې ته نژدې والى يې د افغان چارواکو په وينا په دې مانا دى چې ترهگر پکې تل فعاليت کولى شي او نړيوال ځواکونه تيار سى وي

د ناټو ځواکونو ته هيڅ ډول ځاني زيان نه دى اوښتى .

ځايي چارواکي په دې بريد کې وژل شوي ټول کسان هغه کارګران بولي چې د مزدورۍ لپاره ، د ايساف ځواکونو پوځي مرکز( ساراباغ) ته تللي وو .

دغه ځانمرگى بريد سهار وختي هغه مهال وشو چې يوۀ تن پر ځان پورې تړلي چاوديدونکي توکي د ناټو د پوځي اډې دباندې د راټولو شويو کارگرانو ترمنځ وچوول . دغو کسانو غوښتل چې مرکز ته ننوځي .

سارا باغ د ناټو ځواکونو لوى پوځي مرکز دى چې د خوست ښار په څنډه کې پروت دى .

دا د ٢٠٠٧ کال په ترڅ کې شپږم ځانمرگى بريد دى چې د نورو پنځو په پرتله يې مرگ ژوبله خورا ډيره ده .

وروستى تر ټولو ډير وژونکى دغه ډول بريد تير کال و چې د خوست په گاونډ پکتکيا کې وشو . په هغه بريد کې د چارواکو په وينا ١٥ تنه وژل شول او ٢٥ نور پکې ژوبل شول.

هغه ځانمرگى بريد د ليندۍ ٥ د نومبر ٢٦ د پکتيکا ولايت د ارگون په ولسوالۍ کې د لويې لارې پر يوه هوټل کې هاله وشو چې د برمل ولسوال او ورسره د پوځ ملگرى قوماندان هوټل ته ورننوتل . د پيښې اکثره قربانيان د ماشومانو په گډون ملکي وگړي وو

د پکتيکا والي ډاکټر اکرم خپلواک ادعا کړې وه چې بريد کونکى پاکستانى او د پنجاب اوسيدونکى و.

د ٢٠٠٦ کال په ترڅ کې نژدې ١٤٠ ځانمرگي بريدونه په افغانستان کې وشول چې د قربانيانو لويه برخه د ملکي کسانو وه .