CLÁR 2

Le hamharc ar Shliochtanna as Clár 2 cliceáil anseo

The Delawares

Tá seisear sa bhanna seo. Seinneann siad ceol malartach tuaithe, a bhfuil corr-rian ann de rac-cheol sícideileach na seascaidí. “Níos teinne ná fobhrístí na Bee Gees,” mar a deir léirmheas ar Across The Line.
www.myspace.com/thedelawares*

Colm Mac Con Iomaire

Tá an veidhleadóir leis na Frames ag cumadh agus ag seinm ceoil fhuaimiúil a chuirfidh faoi dhraíocht thú, mar a dhéanann sé leis an lucht féachana anseo!

Aoi: Daithi Ó Sé.

Deirtear gurbh fhearr bheith as an saol ar fad ná as faisean agus is dócha go raibh an Ghaeilge ar imeall an tsaoil ar feadh i bhfad ó thaobh stíle de ... ach d’imigh sin agus tháinig Ó Sé! Tá Daithí Ó Sé againn anois, fear dóighiúil na gceannaithe snoite agus “íocón stíle” Iarthar Chiarraí. Bígí réidh – tá sé istigh anois díreach á mhaisiú féin fánár gcoinne!

Agus tá sé díreach i ndiaidh sraith teilifíse a dhéanamh faoi na heachtraí a bhí aige agus é ag trasnú na Stát ar Bhealach clúiteach 66!

http://www.rteguide.ie/2007/1129/Star.html

Rásaithe Óga

Is rómhinic a bhíonn tuairiscí faoi bhásanna ar an bhóthar sna tuairiscí nuachta maidin Luain. Chuaigh ár bhfoireann chuig Gaoth Dobhair i gCo Dhún na nGall le hamharc ar na hiarrachtaí atá ar bun ansin le fadhb na “rásaithe óga” a réiteach.
Shílfeá agus tú ag amharc ar na bacóirí agus ar na rothaí lonracha cóimhiotail atá ar charranna na ndaoine óga thart ar Ghaoth Dobhair nach bhfuil ar a n-intinn acu ach an luas. Ach ní mar a shíltear bítear... An amhlaidh nach bhfuil sna maisiúcháin bhreise ghnéasúla seo ach an gaisce is dual don óige? Cé air, nó cad air a bhfuil an locht anseo? An iad na daoine óga a chaitheann cúinní gan a luas a mhaolú atá freagrach, nó an bhfuil an deargár seo ar na bóithre le cur síos don bhonneagar – i. drochbhóithre, drochshoilsiú, teorainneacha luais atá ró-ard?
Is cúis bháis é an luas, gan amhras – ach cad é mar is féidir linn an tsábháilteacht ar na bóithre a chothú gan bheith ag seanmóireacht? Beimid ag amharc ar réiteach féideartha amháin atá ag dul i bhfeidhm go mór ar aos óg Ghaoth Dobhair ar na mallaibh.

*BBC is not responsible for the content of external sites