فرشته مرسل

له دې ځايه واورئ!

خو په دوی کې داسې کسان هم شته چې پور کړې پيسې بې ځايه ورنه مصرف شوې.

نو کوچنۍ قرضه څه ډول وکاروو چې ګټوره تمامه شي او له ستونو سره مخ نه شو، په دې اړه د پروان ولايت د بګرام اوسيدونکی ميرويس وايي:

"ما دوه کاله مخکې قرضه اخيستې وه، پيسې د کار په ځای په کورکې راڅخه مصرف شوې، اوس دفتر خپل پورغواړي اود نوروخلکوهم پوروړی يم."

خو داسې کسان هم شته چې له پور څخه په سمه توګه استفاده کوي، د لغمان ولايت اوسيدونکی نګيالی وايي:

"له معيوبيت وروسته مې دکورنۍ لګښتونه نه شوی برابرولی، له خپلو وړو بچوسره د ورور کونډه او د هغې درې يتيمان هم راپاتې وو.

دوی جامې او خوراک غوښتل او له ما سره د دغو شيانو د اخيستلو لپاره پيسې نه وې، بيايوه غير دولتي دفترته ورغلم.

	ځيني خلکو چې پور اخيستی،له پور څخه په سمه توګه استفاده کړې او ښه ګټه يې ترلاسه کړې.

له دولتي دفترنه پور مې واخيست، کوم کسب مې نه و زده، له يوه بل معيوبه ملګري سره مې په شريکه يو دوکان په کرايه و نيو، په هغه کې به مو څپلۍ اوبوټ خرڅول."

نوموړی زياتوي :"اوس مې کاروبار ښه دی، د خپلو ماشومانو او د وريندارې له يتيمانو سره مرسته کوم او ژوند په ښه توګه روان دی."

خوپرته له معيوبينوڅخه نورکسان هم شته چې له دا ډول دفترونو څخه پور اخلي، کار کوي اوخپل ژوندپرمخ بيايي.