فرشته مرسل

	د کور په ځينو کارونو کې ونډه اخيستل راتلونکي لپاره ګټور ثابتيږي.

دلوګرولايت يوه اوسيدونکې مريمه وايي: "کله چې پېغله وم د کور کارونو ته به مې لاس نه وروړ،

کله چې واده شوم، د خسر په کورکې داسې څوک نه و چې د کور په کارونو کې مرسته راسره وکړي، هماغه و چې ډيرې سختۍ مې تيرې کړې."

دکابل ښاريوه اوسيدونکې پروانه وايي: "په کورکې به مې ځينې کارونه کول، هماغه وه چې د کور له ځينو کارونو سره بلده شوم او اوس مې زده دي،

يانې موربه مې چې ديګ کاوه ورته کتل به مې، بله ورځ به مې پخپله پخاوه، په دې ډول مې ډير کارونه زده شول او ګټـه يې دا ده چې اوس کومه ستونزه نه لرم."

خو نرګس بيا وايي چې د کور کار د دې د درسونو خنډ کيږي او نه شي کولای چې خپل درسونه په سمه توګه پر مخ بوځي. ميرمن پروانه دا خبر نه مني هغه وايي:

"ما پخپله هم ښوونځی لوسته او هم مې د کورکارونه کول، هيڅ وخت دکورکار د دې لامل نه کيده چې زه له ليک لوسته پاتې شم.

موربه مې داسې کارونه راته پرېښودل چې زما له وس او توان سره به سم وو، نو ځکه مې په مينه کول. اوس چې دکورهرکاروي کوی يې شم."

	هېڅ کله کور کار د دې لامل نه کيږي چې سړی دې له درس پاتې شي.

دکابل ښاراوسيدونکې ناجيه بيا وايي: "زه له کورنه د باندې و ظيفه لرم خوبيا هم د کور ټولو کارونو ته رسيږم، ښځه بايد د کور کار وکړې او زده يې وي."

دننګرهارولايت اوسيدونکې شازيه بيا وايي: "که څه هم په کورکې ماته ضرورت نه شته چې کاروکړم څکه نورې خورګانې لرم، خو بيا هم د کور په کارونو کې برخه اخلم،

زه غواړم چې د کور کارونه زده کړم، تر څو په راتلونکې کې مې په درد وخوري او له ستونزو سره مخامخ نه شم."