فرشته مرسل

	شاقه کارونه ماشومانو ته جسمې او روحي زيانونه واړوي.

په دې اړه ديارلس کلن مبارک شاه وايي:

له دې ځايه واورئ!

"زماپلار موټرچلوي، ورسره مې شپږ وروڼه چې له ما مشران دي کارکوي خو بيايې هم زه له ښوونځي وويستم او په يوه شرکت کې کار راباندې کوي.

يوه ورځ مې چې کارکاوه ماشين زما د لاس پنجه ونيوله اوګوتې مې قطع شوې." نسيم چې يولس کلن دی وايي:

" سره له دې چې پلاراووروڼه مې کارکوي، کورنۍ په ما موټر مينځې.

اوس مې په لاسودانې راختلې، ځکه د موټرو د مينځلولپاره پاکې اوبه نه شته، په ناولو اوبو يې مينځم."

کار کول عيب نه دی، خو چې شاقه نه وی او د ماشومانو خوښ وي.

په ماشومانو دارنه کارونه هغوکارونو ته ويل کيږي چې ماشومانوته جسمې او روحي زيانونه واړوي او د هغوی نه وي خوښ.

دا ډول کارونه دماشومانو د کار د حقونوپه قانون کې منع دی.

دبشري حقونو د دفترکارکوونکي محسن فريدوايې: "په ماشومانو درانه کارونه کول د هغوی روح اوجسم زيانمن کوي.

ځينې وخت هغوې له داسې کسانو سره يوځاي کيږي چې سم نه وي روزل شوي بيا نو هماغه وي چې دوی هم دهغو په شان کيږي

او د سم کار په ځای ورانوکاروته مخه کوي. "دکابل ښاراوسيدونکي اسماعيل وايي:

"ما مې خپل زوی له نجار سره شاګردکړی و. زوی مې په کور کې نه له چاه سره غږيده او نه ښوونځي ته ته، پايله يي دا وه چې په ازموينه کې بريالی نه شو.

	دروند کار هغه کار ته ويل کيږي چې د ماشومانو په خوښه نه وي.

وروسته له هغه مې کار په ونه کړ اوس يوازی ښوونځي ته ځي او ښې نمرې اخلي. کار زه خپله کوم ترڅو يوه مړۍ ډوډۍ پيدا کړم."

جان آقا چې يو پلاردی وايي: "کار کول عيب نه دی، خو په دې شرط چې شاقه نه وی، د ماشومانو خوښ شي او په خپله خوښه يې وکړی.

زه دوکان لرم او خپلو بچوته مې دبايسکل جوړولو ټول شيان اخيستي دی هغوی په خپله خوښه داسې کارکوي چې خوښيږيي."