 | | | د پيسو دويم ځل چاپېدل ډېر لگښت غواړي او د هېواد اقتصاد ته زيان رسوي |
په پخوا وختو کې به انسانانو د اړتيا وړ شيان جنس په جنس بدلول. وروسته يې د کار د اسانۍ لپاره پيسې دود کړې اوس هر هيواد ځانگړې پيسې لري. خو پيسې د وخت په تېرېدلو زړېږي ، اوهر هېواديې ددوهم ځل چاپ لپار ه کمېشن ورکوي. څرنګه چې په ښارونو کې پيسې ډېرې استعمالېږي، نو ژر او بې وخته زړېږي هم. خو د کاغذي پيسو د ژر زړېدلو په هکله د مزار شريف اوسېدونکي مجيد وويل: " که نانوايي نه پيسې اخلو هغه په اوړو وي، د تېل خرڅوونکي په تېلو وي. يو دوکاندار مې وليد چې پيسې يې په لمدې ترکارۍ واچولې، هغه خو شړېږي او شکېږي". د کابل ښار اوسېدونکى عيسىٰ الدين وويل: |  که خلک پيسې سمې وکاروي، نو ژر نه زړېږي. بيا به دستونزو سره مخ نه وي  |
"يوخود پيسو کاغذ اصل نه دى او بل ځينې کسان ور باندې د تلفون شمېرې يا نور څه ليکي او څوک پرې ماشومان آراموي" د افغانستان بانک دويم مرستيال محمد عيسىٰ طراب وويل: د غټو نوټونو کاغذ ښه دی خو وړو ته مو هاغه وخت پيسې نۀ لرلې چې ښه کاغذ واخلو. په راتلونکې کې به دا ستونزه حل شي. خو ځينې کسان له پيسو سره بېغوري کوي، نو دايې هم د زر زړېدلو يو علت دی. دويم ځل چاپېدل يې ډېر لگښت غواړي او د هېواد اقتصاد ته زيان رسوي. دکابل اوسېدونکي فاضل وويل: "کله چې (١٠٠٠) يا (٥٠٠) افغانۍ ماتوم په بدل کې يې زړې او شکېدلې پيسې راکوي". | | | که نانوايي نه پيسې اخلو هغه په اوړو وي، د تېل خرڅوونکي په تېلو وي. |
خو فرحناز له پيسو سره بل ډول چلند کوي: "زه پيسې د پيسو په بکسک يا کتابچه کې ساتم چې زړې نشي". شريف ، د مزار شريف يوقصاب وويل: "کله چې غوښه خرڅه کړم لاسونه په ټوټه پاکوم بيا پيسې اخلم چې غوړې نه شي، او بيا يې په پاک بکس کې ږدم". د افغانستان بانک دويم مرستيال وويل: "که خلک پيسې سمې وکاروي، نو ژر نه زړېږي. بيا به خلک او دولت دستونزو سره مخ نه وي." | 
خپرونه واورئ!
د آبادۍ غږ : د پوليسو ګزمه 