فرشته مرسل

	ځينې کباړ غونډوونکي د يو څو روپيو لپاره له مرګ او ژوبلې سره مخ کيږي.

له دې ځايه واورئ!

په دې اړه د ماين پاکۍ د دفتر يو کارکوونکی صديق راشدوايي:

"خلک دا ډو ل اوسپنې ټولوي، موږ هڅه کووچې هغوي منع کړو، خو دوی داسې وخت اوسپنې ټولوي چې ماين پاکان په سيمه کې نه وي."

په دې اړه د کور يوه ميرمن نجيبه وايي: "د يوې غونډۍ په خوا کې ماين پاکانو ماينونه چوولي وو، زما خاوند له هغه ځايه پاتې شوې اوسپنې کورته راوړې.

ماحويلۍجاروکوله، اوسپنې مې له يوه ځای نه بل ځای ته وړلې چې په هغوی کې کوم شی وچاوديد او زه معيوبه شوم."

ولې ځيني خلک له داسې خطرناکه ځايونو څخه اوسپنې ټولوي؟

نجيبه د دې علت فقر بولي او وايي چې د دې خاوند هم دا کار د يوې ګولې ډوډۍ د پيدا کولو لپاره کاوه، اخر د همدغو اوسپنو له لاسه دا معيوبه شوه.

د بګرام د ولسوالۍ يو اوسيدونکی ميراعظم وايې: "تېرکال مې له خپلو ملګرو سره د خرڅلاو لپاره همدا اوسپنې راوړلې.

کوم څه ناچاودې پاتې و. زموږ په ورتګ سره وچاوديد چې زه او دوه ملګري مې ټپي شوو. اوس پوهېدلی يم چې د دې کار تر ګټې زيان ډېردی.

	خلک له هغو ځايونو اوسپنې ټولوي چې هلته ماين پاکانو ناچاوده شيان چوولي وي.

ما دا ډول ډيرې پيښې ليدلې دي چې خلک د همدغو اوسپنو د ټولولو په وخت ټپي او يا هم مړه شويدي.

اوس د دوی د کورنی غړي ډيرې ستونزې لري، داسي څوک نه شته چې دوی ته ډوډۍ پيدا کړي او غمه يې وخوري،

که دوی کوم بل کار کولی، شايد له مرګ ژوبلې سره نه وای مخامخ او کورنيو به يې دومره ستونزې نه ګاللی."

دکابل دده سبزاوسيدونکی مجيب وايي: "ما پخوا دکباړوکارکاوه، په هغو کې کوم ناچاودی شي وچاوديد او زه ټپی شوم. اوس مې هغه کارپريښی دی."