فرشته مرسل

له دې ځايه واورئ!

اختطاف د بيلابيلومقصدونو لپاره ترسره کيږي چې يو مهم علت يې د پيسو لاسته راوړل دي.

د کابل ښار يوه اوسيدونکې شريفه وايي: "څه موده وړاندې زمازوی اختطاف شو، چې له ډير وستونزو اوخوابديو وروسته مو پيدا کړ."

خود دې ستونزې د حل لپاره څه کولی شو؟ د کابل ښاريو اوسيدونکی مجتبی وايي: "موږ د ماشومانو د تښتونې په اړه بيلابيلې خبرې اوريدلی،

ماشومانو ته مو ويلي چې که څوک نه پيژنی له هغوی سره مه ځی او که چيرې دوی په زور چاه بيولی، غالمغال وکړئ چې خلک خبرشي او ومو ژغوري."

د افغانستان د کورنيوچارو د وزارت يو کارکوونکی سادات وايي: "کله چې کورنۍ هره ورڅ خپل ماشومان ښوونځيو ته ليږي،

دا دې ورته ووايي چې د ښوونځی له لارې بلې خوا ته لاړ نه شي او که چاه په موټر کې پورته کول نه دې ورسره ځي."

	که کورنۍ خپل ماشومان تل يواځې پرېږدي، نو د تښتولو امکان يې زيات وي.

خو په دې اړه د خلکو مسوليت څه دی؟ د کابل ښاريو اوسيدونکی شفيق وايي:

"څه موده مخکې په سودا پسې له کوره بهر ووتلم، داسې څوک مې وليد چې يو ماشوم يي تښتاوه، په لوړ غږ مې د نورو خلکو پام راواړوه،

هماغه و چې اختطاف کوونکی وتښتېد او ماشوم يي پريښوده."

سادات وايي: "دا د هرچا انساني دنده ده چې که داسې څوک وينې نو بايد ماشومان وژغوري او پوليسو ته خبر ورکړي."