سيد مصطفی

	که چرګان ناروغ وي له منځه يې وړي او په يو ژور ځای کې يې اچوي اوچونه پرې اچوو.

چرګان هم د نورو حيواناتو په شان ناروغۍ لري چې له دې جملې څخه يو هم د ټوغکي ناروغي ده. دپروان ولايت اوسېدونکی معلم عبدالخالق اړه وايي:

له دې ځايه واورئ!

”زه له څوکلونوراپه دې خوا چرګان ساتم، خو چرګان مې د ټوغکي ناروغۍ ونيول او په څوورځوکې ټول له منځه ولاړل“.

دهمدي کلي يوبل اوسېدونکی عبدالباري د ټوغکي د نښو په باب وايي: ”د دې ناروغي نښي دادي چي چرګان اسهال کېږي،تر خولې او پوزي يې اوبه بهېږي،

له خوراک او هګيو لوېږي، ډنګرېږي، پر سينه ښويېږي او وزرونه يې ځړېږي“.د پروان ولايت د بګرام ولسوالۍ اوسېدونکي نور اغا وايي:

”زموږ په سيمه کې هم داناروغي خپره شوه، خوموږ د يو لړ وقايوي تدابيرو په پام کې نيولو سره چرګان له دې ناروغۍ څخه و ژغورل.

مخکې له دې چې دا ناروغي زموږ چرګانوته ورشي، دچرګانو دانو، خوراک ته پام کاوه، چرګان مو نه پرېښودل چې له ناروغو چرګانوسره يو ځای وګرځي.

که موکوم نوی چرګ اخيسته نو روغتيا به مو يې جدي څاره، کله به چې ډاډه شولو چي ناروغ نه د ی نو بيا به مو له نورو چرګانوسره ګډايله کاوه.

داهم ډيره مهمه ده چي دمرغانچي هواقيد نه شي، زر زر پاکه شي.

دننګرهار ولايت يو اوسېدونکي عبدالحميد وايي: "ددې ناروغۍ دمخنيوي لپاره تل خپل چرګان تل واکسين کوم“.

	د ټوغکي د مخنوي لپاره، چرګان واکسينوي او د ځای پاکوالي ته جدي پاملرنه کيږي.

په پروان کې دحيواني کلينک مسئول ډاکتر عارف وايي چې، د خلکوتجربې سمي دي خو، موږ يوازي په واکسين او دمرغانچې په پاک ساتلو بسنه نه کوو.

بلکې دانه، اوبه او ټول وقايوي تدابير يوځاي په پام کي نيسو،کله چي ووينو چي زموږ په فارم کې دا ناروغي لګېدلې نو ناروغ چرګان له منځه وړو،

په يو ژور ځای کې يې اچوو اوچونه پرې اچوو.

کله چې مرغانچې ته ځو نو دخپل ځان روغتياته هم پام کوو، ځکه کېدای شي چي ځيني ناروغۍ له انسان نه چرګانو او له چرګانو څخه انسانانوته ورشي.