 | | | پخوا مو سړک نه درلود با الاخره مجبوره شو چې د سيمې ښځې اشر وکړو او سړک جړو کړو. |
سره له دې چې د افغانستان په ځينو سيموکې دولتي او نادولتي ټولنو يو شمېر انکشافي کارونه کړي خوپه ځينوسيموکې بياخلکوخپله مټي رانغښتي او د خپلې سيمې په بيارغونه کې يې برخه اخستي ده. موږ په عام المنفعه کارونو کې د نارينه وو ونډه ليدلې وه، خو دا مو ډېرکم اورېدلي چې د يوه کلي ښځو دي د خپل کلي د سړک په جوړولو کې برخه اخيستې وي. دباميانو ولايت د اژدر، درې اوسېدونکو ښځو دخپل کلي سړک يې جوړکړی دی. په دې باب ددې سيمې د انکشافي شورا مشره زينب رضايي وايي: ”موږ پخواسړک نه درلود له ډېرو ستونزوسره مخامخ و، با الاخره مجبوره شو چې ددې سيمې ښځې اشر وکړو. ٧٠/٨٠ مېرمنې له بېل او کلنګ سره له کورونو راووتلې او په کار يې لاس پوري کړ. دا سړک چې٢٢٠٠ متره اوږودوالی لري، خاورې او جغل يې ورباندي واچاوه. اوس مو ستونزې کمې شوي دي. ناروغ مو پر خپل وخت کلينک ته رسېږي او له بازار څخه سودا په اسانه راوړو“. | | | له٧٠ تر٨٠ مېرمنو خپلې مټې راونغښتې او د سړک په جړولو يې کار پيل کړ. |
له نرو سره په ګډه د کار کولو په باب د علومو اکاډمۍ غړی حبيب الله رفيع وايي: ”د تاريخ په اوږدو کې تل ښځو دخپل هېواد په ابادولو کې ونډه درلودلې ده، له نارينه ووسره يې په کرکيله کې مرسته کړې، د اولاد په تربيه او روزنه کې او له انګليس سره په جنګ کې يې برخه اخستې ده. لکه ملاله پېغله چې د ميوند په جګړه کې يې غيرت وښود او دا لنډۍ يې د بري لامل شوه:
که په ميوند کې شهيد نه شوې _ خدايږو لاليه بې ننګۍ ته دي ساتينه | 
له دې ځايه واورئ!
د آبادۍ غږ : د پوليسو ګزمه 