|
د ولس خبرې: د پرمختيايي شوراګانو دندې | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
انکشافي شوراګانې د کليو په کچه د کليو د پرمختګ شوراګانې دي، چې د ملي پيوستون پروګرام لۀ لارې د کليواو پراختيا وزارت لۀ لوري پۀ کليو کې جوړېږي. نوموړې شوراګانې دنده لري، چې د کليو د پرمختګ لپاره کار وکړي او خلک وهڅوي چې پخپله د کليو پۀ بيا رغونه کې رغنده ونډه واخلي. پۀ کابل ولايت کې د ميربچه کوټ ولسوالۍ( ٣٧ ) پرمختيايي شوراګانو د ولسوالۍ پۀ کچه د ښځينه ناروغيو د درملنې د کلينيک ودانولو پرمختيايي کار کړيدی. دنوموړې ولسوالۍ د يوې انکشافي شورا غړي غلام حيدر وويل: "مونږ د شورا د مشرانوپۀ مياشتنۍ غونډه کې دا خبره ياده کړه چې په سيمه کې کلينيک نه شته او ښځېنه ناروغانې له ستونزو سره مخ دي لۀ هماغې ورځې نه موږ وپتيله، چې انکشافي شوراګانې دې ته وهڅوو، چې پۀ ګډه د ولسوالۍ پۀ کچه کلينيک جوړ کړو، نوهماغه و، چې ټولوشوراګانو پۀ کې ونډې اخيستو ته ټټر وواهۀ ". دا چې ولې يو، انکشافي شورا په يواځې کلينيک نه جوړاوۀ ؟ سيد جيلاني چې د نوموړي ولسوالۍ د کلينيک پۀ جوړولو کې يې ونډه درلوده وويل: "د هرې شورا پيسې پۀ جلا ډول کمې وې، پۀ ګډه مو خپلې پيسې راغونډې کړې او د خپلې ولسوالۍ د کلينيک پروژه مو پرې پلې کړه". د نوموړې ولسوالۍ د يوې انکشافي شورا غړي سيد محمدبيا وويل: "دکارپرمخ بيولو لپاره د څلورو کسانويوه کاري کمېټه جوړه شوه او د څارنې کمېټه هم شته، چې کارونه څاري او څلور غړي لري. دا کسان د ميربچه کوټ ولسوالۍ د( ٣٧) انکشافي شوراګانو لۀ خوا ټاکل شويدي ". غلام حيدر د کلينيک د کار لپاره د ميربچه کوټ ولسوالۍ د انکشافي شوراګانو د راټوليدو د ګټو پۀ اړه وويل:
" يوه ګټه يې دا ده چې زموږ د ولسوالۍ د ښځو روغتيايي ستونزې به هوارې شي، او لۀ بله پلوه يې زمونږ يوالي ته ډيره ګټه ورسوله، مونږ يوبل سره نږدې شواو يوبل موو پېژندل ". که د يوې سيمې پرمختيايي شوراګانې سره لاس يو کړي ښايي ډېرې ستونزې پۀ اسانۍ سره هوارې کړي او بل دا چې، که دا شوراګانې خپل منځي اړيکې ولري د تجربو پۀ شريکولو کې هم مرسته کوي . |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||