ذبيح الله شاکر

	په انتخاباتو کې د ښځو رايه ورکول او ځان کانديدول ډېراهميت لري.

خپرونه واورئ!

همدارنګه د ښځو د سياسي حقونو د نړيوالې اعلاميې په اساس هم په انتخاباتو کې برخه اخيستنه د ښځو يو سياسي حق بلل شوی چې د نړۍ د ټولو هيوادونو له لوري لاسليک شوې.

په تيرو انتخاباتو کې تر يوه حده ښځو ونډه اخيستې وه او په راروانو کې هم کولای شي برخه واخلي رايه ورکړي او ځانونه کانديد کړي .

خو که ښځې دخپل دغه سياسي حق نه ګټه واخلي اهميت به يې څه وي؟ دکابل ښار يوې ښوونکې ملالۍوويل :"که ښځې په ټاکنوکې برخه ولري اوکوم ځای ته ورسېږي

هغه ښځې چې غواړي ځان کاند يدکړي بايدهمدا اوس لاس په کارشي

نووبه کولای شي د ښځوستونزې په ښه توګه ترچارواکوورسوي ،ځکه هغوئ د ښځوپه ستونزو ښې پوهېږي .د ښځو او نارينه وو ستونزې سره توپير لري.

مثلاً ښځې نه شي کولای خپلې روغتيايي ستونزې نارينه ډاکټر ته ووايي . خو ښځينه ډاکټرې ته يې په اسانۍ ويلای شي او هغه هم ورباندې په اسانه پوهېږي ".

د ولسي جرګې غړې شينکۍکړوخېله څرګندوي:"په انتخاباتو کې د ښځو رايه ورکول او ځان کانديدول ډېراهميت لري.

	په راروانوانتخاباتوکې هم د تېرو په څېرښځې کولای شي رايه ورکړي او ځانونه کانديد کړي .

که ځانونه کانديدکړي او بريالي شي نو د هيواد په چاروکې به په ډېرې اسانۍ د ښځو ستونزې او ګټې په پام کې ونيولای شي."

هغه ښځې چې غواړي رايه ورکړي او ياهم د کومې څوکۍ لپاره ځانونه کاندي کړي بايد سر له همدا اوس نه په دې فکر وکړي .

چې په دې لاره کې کومې ستونزې لري او څنګه کولای شي دا ستونزې هوارې کړي او په دې برخه کې له چا نه مرسته غوښتلای شي .