 | | | هر نيم ساعت کې يوه مورداميدوارۍ له امله مړه کېږي چې يوعامل يې په کم عمرکې واده کول دي. |
واده کول د کورنۍ جوړولو او ژوند يوه اړتيا ده خوځينې وخت ليدل کېږي چې نجونې د بېلابېلو دلايلو له مخي په کم عمر کې ودونه کوي چې دا کار يو شمېر خطرونه لري. د عامې روغتيا وزارت د چارواکو په وينا، په افغانستان کې په هر نيم ساعت کې يوه مور د اميدوارۍ له امله مړه کېږي چې يو عامل يې په کم عمر کې واده کول دي. د پکتيکا ولايت يوه مېرمن وايې: ”ما په يوولس کلنۍ کې واده وکړ، تر دوو کالو پورې نه شوم اميدواره، تر هغه وروسته مې دوه ماشومان زيان شول او د درېيم ماشوم مې وينه لږ ده. د عامې روغتيا وزارت د چارواکو په وينا، په ټيټ عمر کې واده کول د ميندو د وجود د وينې د کمښت او د هغوی د ماشوم د ضايع کېدو يو لوی علت بلل کېږي. دم ګړۍ په افغانستان کې له (٢٥) څخه تر (٣٠) فيصدو پورې ښځې د روغتيايي کلينيکونوآسانتياوې لري او پاته نورې يې په کورونو کې ولادت کوي. د لنګون اوښځينه ناروغيو ډاکټره روزا تقدير وايې: | | | په کم عمر کې واده کول ميندو ته اروايي ستونزې هم پيدا کوي. |
”د کم عمره ميندو لنګون ځکه خطرناکه وي چې د هغوی وجود دغې مرحلې ته نه وي چمتو، ځکه نو بايد هغوی په روغتون کې ولادت وکړي. په کم عمر کې واده کول ميندو ته اروايي ستونزې هم پيدا کوي. ارواپوه ډاکټر مصدق نادمي وايي: ”د کم عمره ميندو وجود او فکرخام وي، د مسئوليتونو درانه پېټي نه شي پورته کولای“. د ډاکټرانو په وينا، د نوي ځوانۍ په لومړۍ مرحله کې نجونوته د درانه جسمي او فکري پېټي وړل ستونزمن کار وي، نو له همدې امله په کم عمرکې د نجونو ودول هغوی ته يو شمېر ستونزې پيدا کوي. | 
له دې ځايه واورئ!
د آبادۍ غږ : د پوليسو ګزمه 