فرشته مرسل

	د حلالو شويو څارويو وينې او نورې چټلۍ د حويلۍ په يوه کونج او يا هم تر ونو لاندې ښخ شي.

دا پروگرام ددې ځاى پر کېکاږلو سره اوريدلى شئ

د افغانستان په يو شميرښارونو کې ځينې خلک يواځې دسيالۍ او شريکۍ لپاره د لوی اختر قرباني کوي او دا کار کله کله د دې لامل هم کيږي چې د قربانۍ غوښه په سمه توګه ونه ويشل شي.

ځينې بې وزله کسان چې د غوښې د اخيستلو توان نه لري، دوی ته د اختر په ورځوکې غوښه ور رسيږي، ځکه اختر ته ډير خوشاله وي.

خو يو شمير بېوسه خلک بيا د قرباني دغوښې له ويشلو نه خوښ نه دي. دکابل ښار يوه اوسيدونکې، ندا، وايي:

"موږ ډير بيوسه يو، ان په مياشتو مياشتو مو هم د غوښې خوند نه دی څکلی.

تيرکال په لوی اخترکې چې زموږ ګاونډيانو قربانې کړي وه، يواځې خپلو خپلوانو او هغوکسانوته به يې غوښه ورکوله چې شتمن به وو او پخپله به يي هم قربانې کړي وه.

خو موږ ته چې ان د قربانی وسه مو هم نه درلوده او دې ورځې ته په تمه وو، چاه غوښه رانه کړله."

د کابل پوهنتون د شرعياتو د پوهنځي استاد عبدالظاهر داعي د قربانی په اړه وايي:

تيرکال په لوی اخترکې چې زموږ ګاونډيانو قربانې کړي وه، يواځې خپلو خپلوانو او هغوکسانوته به يې غوښه ورکوله چې شتمن به وو د کابل ښار يوه اوسيدونکې

"په لوی اخترکې قربانې کول او په سمه توګه غوښې ويشل ثواب لري، دخلکو په مينځ کې مينه زياتوي، ددوی تر مينځ د همکاري حس قوي کيږي او دا له بې وزلو کسانوسره يو لويه مرسته ده."

دکابل ښار يوه بله اوسيدونکې، ناهيد، بياوايي: "موږ يواځې داسې کسانو ته غوښه ورکوو چې هغوی هم موږ ته د قربانی غوښه راوړي."

خو استاد داعي د لوی اختر په قربانې کې د سيالۍ او شريکۍ په اړه وايي:

"په قربانۍ کې د انسان نيت مهم دی، نه دا چې خلک د سيالۍ او شريکۍ لپاره قرباني وکړي. که قرباني د سيالۍ او يا هم د نوم ايستلولپاره وي، ثواب نه لري."

خو د قربانی غوښه بايد په څه ډول وويشل شي؟ د پکتيا ولايت اوسيدونکې کوکوشرين وايي:

"موږ تيرکال د قربانۍ غوښه په دری برخو وويشله. يوه برخه موځان ته را وګرځوله، بله مو پر خپلوانو او دوستانو تقسيم کړه اودريمه برخه مو هم د بې وزله کسانولپاره بيله کړله."

دکابل ولايت اوسيدونکی حميد بيا له يوې بلې موضوع نه چې تيرکال يې په لوی اختر کې ليدلې وه يادونه کوي. دی وايي:

په لوی اخترکې قربانې کول او په سمه توګه غوښې ويشل ثواب لري، دخلکو په مينځ کې مينه زياتوي، ددوی تر مينځ د همکاري حس قوي کيږي استاد عبدالظاهر

؛تير کال به ځينو خلکو له خپلو موټرو څخه د قربانې غوښه، بې وزله کسانوته ور ويشله، چې په دې سره يي ډيره بې نظمې رامنځته کړه اودا کار خلکواو قربانی ته يو ډول سپکاوی دی."

د قربانۍ د غوښې د ويشلو په اړه استاد داعي يو ځل بيا: "د غوښې دا ډول ويشل مناسب نه دي، ځکه چې هر څوک انساني کرامت لرې او موږ بايد د هر چا شخصيت ته په درنه سترګه وګورو."

خو يوه بله خبره چې د اختر په ورځوکې خلکو ته ستونزې پيدا کوي، دا ده چې ځينې کسان په لارو او کوڅوکې دڅارويو وينه ، خوشايي او نوره چټلي اچوي چې بيا بدبوي او بيلابيلې ناروغۍ رامنځته کوي.

تجربه لرونکي کسان وايي چې که چيرې د حلالو شويو څارويو وينې او نورې چټلۍ د حويلۍ په يوه کونج او يا هم تر ونو لاندې ښخ شي، دا کار له يوې خوا د راتلونکو ستونزو مخه نيسي او له بل لورې ونو او بوټو ته ګته رسوي.