 | | | | | | | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
د ښار غږ: موټرچلول او موبايل | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
دا چې په ښارونو کې د موټرونو شمېر ورځ په ورځ مخ پر ډېرېدو دی ورسره د ټرافيکي پېښو شمېر هم ډېر شوی دی. په دې وروستيو وختونو کې دکابل او کندهار پر لويه لاره دوو بسونو ټکر وکړ چې، په پايله کې يې (٣٢) سپرلي مړه او(٣٠) تنه ټپيان شول. ټرافيکي پېښې بېلابېل لاملونه لري چې، يو يې هم د موټر چلولو پرمهال په موبايل ټيليفون کې خبرې دي. په دې اړه د کابل ښار يو اوسېدونکی سمير داسې کيسه کوي: ”ما يوه شپه موټر چلاوه او په موبايل کې مې خبرې کولې، د دې پرځای چې دکيڼ لاس اشاره ولګومه دښی لاس اشاره مې ولګوله چې، په دې وخت کې مې موټر له يوبل موټر سره ټکر شو. د کابل ښار يوبل اوسېدونکی محمد عزيز داسې وايي:
”د موټر چلولو پرمهال د موټروان او سپرليو خبرې، په لوړ غږ موسيقي اورېدل، د ټلويزيون کتل او بې خوبي د اکثرو ټرافيکي پېښو سبب کېږي“. يوه ورځ ما د خپل موټر دښي لوري ښيښه پورته کړه چې، په دې وخت کې مې له يوبل موټر سره ټکر وکړ. د دې ترڅنګ د ځينو غمجنو پېښو خبر اورېدل هم دټرافيکي پېښو سبب ګرځي“. د کابل ښار يو اوسېدونکی سيف الرحمن داسې وايي: ”ما موټر چلاوه چې، په موبايل کې دخپل پلار د مرګ خبرشوم، نور په ځان نه يم پوه شوی چې، موټر مې له يوې رکشا سره ټکر شو“. د پروان ولايت د چاريکارو د ښار اوسېدونکی ميرسعيد وايي: ”ما د موټ رچلولو پر مهال په موټرکې نصب شوی ټلوېزين ليده چې، موټر مې له يوې ونې سره وچنګېده، زه او زما يوملګری ټپيان شولو“.
د موټر چلولو پر مهال په موبايل کې خبرې کولو په باب د کابل ښار د ټرافيکو مدير، سمونوال اسدالله داسې وايي: هغه کسان چې د موټر چلولو په مهال په موبايل کې خبرې کوي، په لومړي ځل د (٥٠٠) افغانۍ جريمه کېږي اوکه دغه عمل بيا تکرار کړي، نو موټر يې درول کېږي“. رحمان چې بېلابېلو هېوادونو ته يې سفرونه کړي دي داسې وايي: ”په بهرنيو هيوادونو کې خلک اجازه نه لري چې، د موټر چلولو پر مهال په موبايل کې خبرې وکړي“ . يو موټر چلونکی جبار روفي د موټر چلولو پر مهال د احتياطي تدابيرو په باب داسې وايي: “زه له سپرليو سره خبرې نه کوم او که په موبايل کې دخبرو کولو اړتيا پېښه شي نو موټر يوې خوا ته دروم او خبرې کوم“. |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
د موټر چلولو پرمهال د موټروان او سپرليو خبرې، په لوړ غږ موسيقي اورېدل، د ټلويزيون کتل او بې خوبي د اکثرو ټرافيکي پېښو سبب کېږي.
د آبادۍ غږ : د پوليسو ګزمه 