 | | | | | | | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
د ولس خبرې: يونسکو | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
د ملګروملتونو اداره بېلابېلې څانګې لري چې، يونسکو يې هم يوه څانګه ده اوځانګړې دندې اومسئوليتونه لري. داچې، يونسکوڅه ډول يوه اداره ده، د کابل ولايت د پغمان ولسوالۍ يو اوسېدونکی په دې اړه داسي وايي: ” د يونسکو اداره د ملګرو ملتونو يوه څانګه ده چې، نوم يې د انګليسي ژبې د يونسکو د نړۍ د بېلابيلو هيوادونوله استازوڅخه جوړه شوې چې، له دې ډلې څخه افغانستان هم دی. موږ هم په خپل کلي کې دغسي يوه شورا لرو چې، په تعليمي، فرهنګي اوعلمي برخوکې کارکوي، يانې دکليوالو تعليمي، فرهنګي او داسي نورې ستونزې اواروي.
دغه ډول د کليوالو په مرسته د سيمې دتاريخي اثاروساتنه کوي نو يونسکو هم په نړيواله کچه دغسي يوه اداره ده“. يونسکو په ١٩٤٥ ميلادي کال جوړه شوه خو داچې، افغانستان يې څه وخت غړی شو، په دې اړه په کابل کې ديونسکو ددفتر يو چارواکی وحيد داسي وايي: ”افغانستان په ١٩٤٨ ميلادي کال کې د يونسکو غړی شو خو د وروستيو جګړو پر مهال په افغانستان کې ديونسکو دفترونه وتړل شول، په ٢٠٠٢ ميلادي کال کې يې بيرته په افغانستان کې خپل دفترونه پرانستل او په خپلو فعاليتونو يې پيل وکړ. ١٩٢ هېوادونه ديونسکوغړيتوب لري چې، ١٧١ هېوادونه يې دايمي غړي دي. يونسکو يوه اجرائيه شورا او يو سکرټريت لري. اجرائيه شورا د ٥٨ غړيو له استازيو څخه جوړه ده چې، افغانستان هم ددغې شوراغړی دی. ددې شورا غړي ديونسکو په عمومي کنفرانس کې دغړيو هېوادونو په رايو ټاکل کېږي.
داچې يونسکو کومې دندې لري په دې اړه وحيد داسي وايي: ” ديونسکو له نوم څخه ښکاري چې، دغه اداره په تعليمي، فرهنګي او علمي برخه کې کارکوي. د بېلګې په ډول په دې وروستيوکې د يونسکو په مرسته د افغانستان ځينې تاريخي اثار چې په قاچاقي ډول له افغانستان څخه ايستل شوي وو، ديونسکو په مرسته بيرته افغانستان ته ورکړل شول. يونسکو په نړۍ کې د دولتي او نادولتي ټولنو په مرسته خپل کارونه پرمخ بيايي چې، په افغانستان کې هم د ښځو چارو، کرهڼې، پوهنې او فرهنګ وزارتونو سره کاري اړيکې لري. د يونسکو اداره خپلې چارې په هر هېواد کې د ملګرو ملتونو د منشور او هغه هېواد د قوانينو پر بنسټ پر مخ بيايي او د تاريخي اثارو د ساتنې په برخه کې د نړيوال ميراث د ساتنې د کنونسيون له مخي کارکوي . دغه کنونسيون يا تړون په ١٩٧٢ ميلادي کال کې د يونسکو په عمومي کنفرانس کې تصويب شو چې، هدف يې په نړۍ کې دتاريخي اثارو ساتنه ده.
هغه هيوادونه چې، د يونسکو غړيتوب لري کولای شي چې، د خپل هيواد مهم تاريخي او فرهنګي اثار د نړيوال ميراث په ليست کې ثبت کړي . ددغه ډول اثارو ساتنه د ټولو هغو هېوادونو په غاړه ده چې، ديونسکو غړيتوب لري. د يونسکو ارزښت په دې کې دی چې، غړي هيوادونه يې ددې سازمان په مرسته يود بل د دود او فرهنګ څخه خبريږي او دتاريخي اثار يې ساتل کيږي چې، ورسره د يوه هېواد ملي هويت هم خوندي ساتل کيږي. |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
دا پروگرام ددې ځاى پر کېکاږلو سره اوريدلى شئ
د يونسکو اداره د ملګروملتونو يوه څانګه ده چې نوم يې د انکليسي(United Nations Educational, Scientific and Cultural Organization) د څو کلمو نه اخيستل شوی او په پښتو کې يې معنی د ملګرو ملتونو ( ښونيز، علمي او فرهنګي سازمان دی 
د آبادۍ غږ : د پوليسو ګزمه 