 | | | | | | | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
د ولس خبرې: د امن جرګه | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
په افغانستان کې له ډېرو پخوا وختونو راهيسې د مهمو لانجو د اوارۍ لپاره جرګې جوړي شوي دي، خو په دې وروستيو وختونو کې په افغانستان کې د امن جرګې نوم هم ډېر اورېدل کېږي. خو دا چې، امن جرګه څه ډول جرګه ده د کابل ولايت يو اوسېدونکی خان محمد وايي:” دا د پاکستان او افغانستان يوه ګډه جرګه ده چې، په سيمه کې د سولې لپاره کارکوي. د بېلګې په ډول که په دوو کليوکې امنيت نه وي يا د دوو کليو تر منځ کومه لانجه جوړه شي او دغه کلي وغواړي چې دغه لانجه اواره کړي، نو د دواړو کليوخلک د دې ستونزې د اوارۍ لپاره يوه ګډه جرګه جوړوي. دلته توپير دادی چې، هغه جرګه ددووکليو په کچه وي او امن جرګه د دوو هېوادونو په کچه ده“. اوس پوښتنه داده چې څوک د دې جرګې غړي کېدای شي؟ د امن جرګې د جوړېدو د کميسيون غړی، وحيدعمر په دې باب وايي:
” د امن د جرګې غړي د افغانستان له لوري د بېلابيلو قومونو او قبايلو څخه غوره شوي دي. د بېلګې په ډول د ملي شورا رئيسه هيئت، د کميسيونو رئيسان، د ولايتي شوراګانو غړي، نامتو ديني عالمان، پېژندل شوي قومي مشران، د مدني ټولنو استازي، د معيوبينو استازي، د کوچيانو او کډوالو استازي، د پوهنتونو رئيسان، د امن د جرګې د کميسيون غړي، د اساسي قانون د لويې جرګې ځينې غړي او د صنعتکارانو استازي د دې جرګې غړي دي“. د امن جرګه ټول (٧٠٠) غړي لري چې (٣٥٠) غړي يې د افغانستان او (٣٥٠ ) غړي يې د پاکستان هېواد له خوا غوره شوي دي. داچې دا جرګه به څو ورځې دوام مومي، وحيد عمر په دې اړه وايي: ” دا جرګه ټاکلې موده نه لري، بلکې موده يې د جرګې په خبرو او برياوو پورې اړه لري، کېدای شي دوې ورځې دوام وکړي اوياهم يوه اوونۍ وخت ونيسي، خو مهمه داده چې، جرګه په څومره وخت کې يوې پرېکړې ته سره رسېږي“. دا چې، امن جرګه د څه لپاره جوړيږي، د لوګر ولايت يو اوسېدونکی، عبادالله په دې اړه وايي: د امن جرګې له نوم څخه ښکاري چې، داجرګه د امن راوستلو لپاره جوړيږي او د پاکستان او افغانستان په سرحدي سيمو کې به د جګړو او نا امنيو عوامل څېړي“.
وحيدعمر هم وايي چې، دغه جرګه به په سيمه کې د نا امنۍ د عواملو پر موندلواو سولې راوستلو پر لاروچاروغورکوي. د امن جرګې د جوړېدولپاره يوکميسيون ګومارل شوی چې (٢١) غړي لري. دغه کميسيون د( ١٣٨٥) شـ کال د لړم د مياشتې پر (٢٢) نېټه د افغانستان د ولسمشر حامد کرزي له خوا جوړ شو. دغه کميسيون د امن جرګې ټول اړونده کارونه تنظيموي، لکه جرګه بايد چيري جوړه شي، څنګه جوړه شي او داسې نور. د يا دونې وړ ده چې د پاکستان حکومت هم د امن جرګې د جوړېدو لپاره دې ته ورته يو کميسيون جوړ کړی دی. |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
د امن جرګې د جوړېدولپاره يوکميسيون ګومارل شوی چې (٢١) غړي لري. دغه کميسيون د امن جرګې ټول اړونده کارونه تنظيموي، لکه جرګه بايد چيري جوړه شي، څنګه جوړه شي.
د آبادۍ غږ : د پوليسو ګزمه 