 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ښار غږ: کتابتون | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
په افغانستان کې د لومړي ځل لپاره په (١٣٤٥شـ) کال په کابل کې دولتي کتابتون جوړ شو چې، دوې څانګې يې درلودې، يو د مطبوعاتو او بل هم د معارف کتابتون و چې، وروسته يې وده وکړه او نورو ولايتونو ته يې هم لمن وغځېده. د کابل ښار د عامه کتابتون د چارواکو په وينا، په افغانستان کې ځينې نوي کتابتونونه هم جوړ شوي، لکه د لوګر، پنجشير، د کابل ولايت ميربچه کوټ، جبل سراج او بګرام کتابتونونه يادولای شو او هغه کتابتونونه چې، د جګړو پر مهال ويجال شوي وو، هم بېرته رغول شوي دي. د کتابونو مطالعه ډېر ارزښت لري او په مطالعه انسان د نړۍ له پرمختګونو څخه خبرېږي او د هغو په اړه معلومات ترلاسه کوي، خو له دې سره سره بيا هم ځينې خلک د کتاب او مطالعې په ارزښت نه پوهېږي، په دې اړه شفيع الله وايي:
”که ماشومان مطالعه وکړي او کتابونه ولولي نو د ښونځي په درسونو کې وروسته نه پاتې کيږي“. ”کله چې، په افغانستان کې جګړې وې او د زده کړو زمينه نه وه برابره، نوما به په کورکې کتابونه لوستل. بيا چې، ښوونځي پيل شول او زه په ښونځي کې شامله شوم نو هغې مطالعې ډېره ګټه راته وکړه“. دغه ډول افغان ليکوال او شاعر، محمد صديق پسرلی هم چې، له ښونځي پاتې شوی و د مطالعې په مرسته يې ځان لوړ مقام ته ورساوه، دی په دې اړه وايي: ”زموږ په کور کې د کتابونو شتون د دې لامل شو چې، هم زه او هم زما دکورنۍ ماشومان د مطالعې له لارې ډېر څه زده کړي “. د مطالعې د ارزښت په اړه د کابل پوهنتون د ښوونې او روزنې د څانګې چارواکي وايي: هغه کسان چې، د خپل شوق او مينې سره سم کتابونه مطالعه کوي کولای شي چې، ډېر څه زده کړي “.
ځينې خلک دا پلمه کوي چې، دوی بېوزله دي او دخپلې خوښې وړ کتابونه نه شي رانيولای، خو ځينې خلک بيا په دې برخه کې له بېلابيلو لارو کار اخلي، د بېلګې په ډول فرهاد اميد په دې باب وايي: ” زمايوملګری په خپل کور کې يو کوچنی کتابتون لري، زما چې، کوم کتاب په کار شي نو امانت يې ځينې اخلم او تر مطالعې وروسته يې بېرته ورکوم“. د کابل ښار د بهارستان سيمې يو اوسېدونکی جميل وايي چې، زه له عامه کتابتونونو څخه کټه اخلم. کتابتونونو ته د ورتګ په وخت کې بايد ځينې ټکې په پام کې ونيول شي، د بېلګې په ډول په کتابتون کې په پټه خوله مطالعه وکړي او همدارنګه د کتابونو په ساتنه کې زيار وباسي، خو د دولتي کتابتون څخه دکتاب تر لاسه کولو لپاره بيا د کتابتون د ځانګړي کارډ درلودل هم ضروري دي. |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
زموږ په کور کې د کتابونو شتون د دې لامل شو چې، هم زه او هم زما د کورنۍ ماشومان د مطالعې له لارې ډېر څه زده کړي.
سال هجده هم : هفته بيست و سوم