प्रियांका चोप्रा - निक जोनास झाले आईबाबा, सोशल मीडियावरून केली घोषणा
फोटो स्रोत, INSTAGRAM/PRIYANKA CHOPRA
सरोगसीच्या माध्यमातून आपण आणि निक जोनस आईबाबा झाल्याचं बॉलिवुड आणि हॉलिवुडची अभिनेत्री प्रियांका चोप्राने सोशल मीडियावरून जाहीर केलंय.
गेल्या काही वर्षांमध्ये अनेक सेलिब्रिटी सरोगसीच्या माध्यमातून आई-वडील बनल्याचं पाहायला मिळालं आहे. त्यात आता प्रियंका चोप्राच्या नावाचाही समावेश झाला आहे.
अभिनेत्री प्रियंका चोप्रा आणि निक जोनास हे सेलिब्रिटी दाम्पत्य सरोगसीच्या माध्यमातून आई-वडील बनले आहेत. दोघांनीही सोशल मीडिया माध्यमातून चाहत्यांबरोबर ही आनंदाची बातमी शेअर केली.
सरोगसीच्या माध्यमातून बाळाचा जन्म झाला असल्याचं प्रियंका आणि निक या सेलिब्रिटी कपलनं सांगितलं आहे. मात्र त्यांच्या घरी आलेला नवा पाहुणा मुलगा आहे की मुलगी हे अद्याप स्पष्ट झालेलं नाही.
प्रियंका चोप्रा आणि निक जोनास यांच्या संदर्भात गेल्या काही दिवसांत विविध प्रकारच्या बातम्या आल्या होत्या. मात्र आता त्या सर्वांना पूर्णविराम मिळाला आहे.
लग्नाच्या तीन वर्षांनंतर बनले आई-वडील
प्रियंका चोप्रा आणि निक जोनास यांनी डिसेंबर 2018 मध्ये पारंपरिक भारतीय पद्धतीनं लग्न केलं होतं. त्यानंतर तीन वर्षांनी ते आई वडील बनले आहेत.
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
Instagram पोस्ट समाप्त
सरोगसीच्या माध्यमातून आई वडील बनल्यानंतर कुटुंबाबरोबर हे आनंदाचे क्षण अनुभवत असून त्यासाठी सर्वांनी आपल्याला प्रायव्हसी द्यावी अशी विनंती दोघांनी सोशल मीडियाद्वारे केली.
अभिनेत्री प्रियांका चोप्राने 2018मध्ये निक जोनाससोबत लग्न केलं होतं. राजस्थानमधल्या जोधपूरच्या उमेद भवन पॅलेसमध्ये या दोघांच्या लग्नाचा भव्य सोहळा पार पडला होता.
निक म्हणजेच निकोलस जेरी जोनास हा अमेरिकन गायक, अभिनेता आणि रेकॉर्ड प्रोड्युसर आहे. वयाच्या 7व्या वर्षी त्याने अभिनयाला सुरुवात केली होती.
सरोगसी म्हणजे काय?
सरोगसीचा शब्दशः अर्थ म्हणजे गर्भाशय भाड्यानं घेणं. एखादी महिला गर्भधारणा करण्यासाठी असमर्थ असेल किंवा गर्भाशयात कोणत्याही पद्धतीचं संसर्ग झाल्यास दुसऱ्या महिलेच्या गर्भाशयात मूल वाढवले जाते.
पतीचा शुक्राणू आणि पत्नीच्या बीजांड यांच्या मिलनातून तयार झालेला भ्रूण सरोगेट मदरच्या गर्भाशयात सोडला जातो. त्यानंतर नऊ महिने हा गर्भ सरोगेटच वाढवते.
म्हणजेच ही सरोगेट ही त्या अपत्याची जैविक माता नसते. गेल्या काही वर्षांत भारतातल्या अनेक शहरांत व्यावसायिक पद्धतीनं सरोगसी करणाऱ्या केंद्रांची संख्या मोठ्या प्रमाणावर वाढल्याचा आरोप आहे.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
