अजित पवार विमान अपघात का झाला? प्राथमिक अहवालात आली 'ही' माहिती समोर

महाराष्ट्राचे उपमुख्यमंत्री अजित पवार यांचा 28 जानेवारीला विमान अपघातात मृत्यू झाला. यानंतर 1 महिन्यानंतर आता डीजीसीएचा 22 पानांचा प्राथमिक अहवाल समोर आला आहे.

डीजीसीएने त्यांच्या अधिकृत वेबसाईटवर महिनाभराच्या तपासानंतर प्राथमिक अहवाल सादर केला. त्यात अपघाताशी संबंधित प्राथमिक निष्कर्ष मांडण्यात आले.

त्यानुसार, सॅटेलाईट चित्रांमध्ये या परिसरात धुक्याचे विरळ पट्टे दिसून आले. तसेच, विमान झाडाला धडकून नंतर जमिनीवर कोसळले. यात कॉकपिट आणि केबिनचा भाग आगीत जळून खाक झाला. तर, शेपटीचा भाग हा विमानाच्या मुख्य सांगाड्यातील प्रमुख अवशेष म्हणून राहिला.

या अपघातातील दोन्ही फ्लाइट रेकॉर्ड्स (SSFDR आणि SSCVR) सापडले मात्र, उष्णतेमुळे त्याचे नुकसान झाले होते. यातील काही डेटा प्राप्त करण्यात यश आलंय, तर काही डेटा मिळवण्याचे प्रयत्न सुरू आहेत.

या अहवालात सांगण्यात आलेली काही संभाव्य कारणं जाणून घेऊयात -

27 जानेवारीला रात्री 07.30 वाजता कंपनीकडे विमानाची मागणी करण्यात आली. त्यानंतर बारामती विमानतळाकडे या विमानाच्या लॅण्डींगसाठी परवानगी मागितली गेली. रात्री 9 वाजून 15 मिनिटांनी ही परवानगी मिळाली.

यासाठी तांत्रिक तपासणी करणारा तंत्रज्ज्ञ मुंबई विमानतळावर सकाळी 5 वाजता तपास करायला आला. त्यावेळी 5000 एलबीएस इंधन भरलं गेलं. आधी ते 2900 इतकं होतं.

अहवालातील महत्वाचे मुद्दे

आतापर्यंतच्या प्राथमिक निष्कर्षांतून समोर आलेली माहिती पुढीलप्रमाणे –

अहवालातून आणखी कोणत्या बाबी समोर आल्या?

तपास कुठपर्यंत आला?

अहवालात कोणत्या शिफारसी करण्यात आल्या?

आतापर्यंतच्या प्राथमिक निष्कर्षांच्या आधारे, विमान सुरक्षेत तातडीने सुधारणा करण्यासाठी आणि आवश्यक प्रतिबंधात्मक उपाय तत्काळ राबवण्यासाठी अहवालात अंतरिम सुरक्षा शिफारसी करण्यात आल्या आहेत. त्या खालीलप्रमाणे -

प्राथमिक अहवालावर मंत्री योगेश कदम काय म्हणाले?

अजित पवार यांच्या अपघाताबाबत एअर इंटेलिजन्सच्या प्राथमिक अहवालावर प्रतिक्रिया देताना मंत्री योगेश कदम म्हणाले की, "एअर इंटेलिजन्स संदर्भातील जो प्राथमिक अहवाल माध्यमांसमोर आला आहे, तो मी अद्याप अधिकृतरीत्या पाहिलेला नाही. मात्र उपलब्ध माहितीनुसार, कमी व्हिजिबिलिटी असतानाही लँडिंगचा प्रयत्न करण्यात आला आणि त्या प्रक्रियेत नियंत्रण सुटल्याची नोंद प्राथमिक अहवालात असल्याचं समजतं.

तथापि, हा केवळ प्राथमिक अहवाल आहे. संपूर्ण आणि सखोल चौकशी पूर्ण होईपर्यंत कोणत्याही अंतिम निष्कर्षापर्यंत पोहोचणे योग्य ठरणार नाही. विमान उड्डाण सुरक्षेचा विषय अत्यंत गंभीर आहे आणि संबंधित यंत्रणा निश्चितपणे निष्पक्ष तपास करतील, असा माझा विश्वास आहे. तपास पूर्ण झाल्यानंतरच वस्तुस्थिती स्पष्ट होईल."

रोहित पवार काय म्हणाले?

अजित पवार यांच्या अपघाती मृत्यूनंतर बरेच प्रश्न उपस्थित केले गेले. अजित पवार यांचे पुतणे आणि राष्ट्रवादी शरद पवार गटाचे आमदार रोहित पवार यांनी पीपीटी प्रेझेंटेशनच्या माध्यमातून विविध प्रश्न उपस्थित केले होते.

सदर अहवालवर प्रतिक्रिया देताना रोहित पवार यांनी एक्सवर पोस्ट करत म्हटलं की, "प्राथमिक अहवालात AAIB ने कोणता प्राथमिक निष्कर्ष काढला? CID या अहवालाचा आधार घेऊन कसा तपास करणार आहे?

या अहवालातील पान क्रमांक 4 वरील मुद्दा 5.1 मधील "Baramati Airfiled is situated in the Baramati District of the state Maharashtra" हे वाक्य AAIB ने हा अहवाल किती गांभीर्याने बनवला हे दाखवण्यासाठी पुरेसं आहे." परवा मुंबईत यावर विस्तृत बोलेल, असंही रोहित पवार म्हणाले.

दरम्यान, रोहित पवार यांनी, दादांना मुद्दाम खराब विमान दिलं की चुकून दिलं? हा अपघात की घातपात? यामागील सत्य समोर यायला हवं, असं म्हणत एफआयआर दाखल करण्याची मागणी केली होती.

27 फेब्रुवारी रोडी रोहित पवार यांनी मुख्यमंत्री देवेंद्र फडणवीस यांची भेट घेतली होती.

या भेटीनंतर माध्यमांशी बोलताना रोहित पवार म्हणाले, "जी माहिती मीडियासमोर, लोकांसमोर मांडली ती सर्व माहिती मुख्यमंत्र्यांना दिली आहे. आज भेट घेण्याचं कारण मी माझा लढा कसा लढतोय हे आहे. हा लढा मी एकटा लढतोय असं नाही. त्यांनी माझ्याकडे सगळे रिसर्च पेपर, जी काही माहिती माझ्याकडे आलेली आहे ती आणि माझ्याकडून आणखी काही कागदपत्रं मागितली आहेत. ते देशाच्या गृहमंत्र्यांशी चर्चा करतील, असं आश्वासन त्यांनी दिलं आहे."

"गुन्हा दाखल होण्याबाबत मुख्यमंत्र्यांशी चर्चा केली. त्यांनी मला सविस्तर उत्तर दिलं. टेक्निकल बाबी समजून घेऊन त्यावर उत्तर देईन, असा शब्द त्यांनी दिला आहे. DGCA बद्द्ल मला शंका आहे. VSR आणि त्यांचं नातं. अपेक्षा करूया काही ना काही मार्ग निघेल. आम्ही आमचा लढा सामाजिकदृष्ट्या लढत आहोत," असं मत रोहित पवार यांनी व्यक्त केलं.

घटनाक्रम

अजित पवार यांच्यासह पाच जणांचा ज्या विमान अपघातात मृत्यू झाला, ते विमान लियरजेट-45 XR प्रकारचं विमान होतं.

बारामती विमानतळावर उतरताना धावपट्टीजवळच विमानाला अपघात झाला. खाली कोसळताच विमानाने पेट घेतला. सकाळी 8:44 वाजता हा अपघात झाला.

या विमानात अजित पवार यांच्यासह कॅप्टन सुमित कपूर, कॅप्टन शांभवी पाठक, अजित पवार यांचे सुरक्षारक्षक विदिप जाधव, फ्लाइट अटेंडंट पिंकी माळी हे कर्मचारी आणि सहकारी प्रवास करत होते. त्यांचाही या अपघातात मृत्यू झाला.

दरम्यान, लियरजेट 45 कुटुंबातली विमानं कॅनेडियन कंपनी बॅाम्बार्डिएरनं तयार केली आहेत. जगभरातील अनेक कंपन्या चार्टर फ्लाईटसाठी म्हणजे खासगी प्रवासासाठी ही विमानं वापरतात.

मध्यम आकाराचे लियरजेट-45 XR विमान बिझनेस जेट म्हणूनही ओळखले जाते. त्यात दोन हनीवेल TFE731-20AR/BR टर्बोफॅन इंजिनचा वापर केला जातो. या विमानातून एकावेळी साधारण आठ प्रवासी प्रवास करू शकतात.

हे विमान एकदा पूर्ण इंधन भरलं तर साधारण 2,235 नॉटिकल मैलांपर्यंत, म्हणजे सुमारे साडेतीन ते चार हजार किलोमीटर रेंजमध्ये जलद प्रवास करू शकतं.

(बीबीसीसाठी कलेक्टिव्ह न्यूजरूमचे प्रकाशन)