लालूप्रसाद यादवांवर भ्रष्टाचाराचा आणखी एक गुन्हा, राबडीदेवींच्या घरी CBIचा छापा

बिहारचे माजी मुख्यमंत्री लालूप्रसाद प्रसाद यादव यांच्याविरोधात सीबीआयने आणखी एक नवा गुन्हा दाखल केला आहे.

याशिवाय सीबीआयने लालूप्रसाद यादव आणि त्यांच्या कुटुंबाशी संबंधित अनेक ठिकाणी छापेमारी केली आहे. एएनआय या वृत्तसंस्थेने दिलेल्या वृत्तानुसार, 17 ठिकाणी छापेमारी सुरू असून दिल्ली आणि बिहार या दोन्ही ठिकाणी हे छापे टाकण्यात आले आहेत.

वृत्तसंस्थेच्या वृत्तानुसार, भ्रष्टाचाराप्रकरणी लालूप्रसाद यादव आणि त्यांची मुलगी मिसा भारती यांच्या विरोधात नवे गुन्हे दाखल करण्यात आले आहेत.

एएनआय या वृत्तसंस्थेने सुत्रांच्या हवाल्याने म्हटलंय की, लालूप्रसाद यादव यांच्या विरोधात 'रेल्वे भरतीसाठी जमीन घोटाळा' प्रकरणी गुन्हा दाखल करण्यात आला आहे.

एप्रिल महिन्यात झारखंड हायकोर्टाने लालूप्रसाद यादव यांना चारा घोटाळ्याच्या अनेक प्रकरणांमध्ये जामीन मंजूर केला होता. 10 लाखांच्या वैयक्तिक जातमुचलक्यावर त्यांना हा जामीन मिळाला होता.

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)