पुण्यात पडलेल्या ‘त्या’ कोरियन यंत्रावर नेमकं काय लिहिलंय?
पुण्यात खेड तालुक्यातील वाफगाव या गावामध्ये गुरूवारी सकाळी आकाशामधून अचानक एक उपकरण असल्यासारखी वस्तू जमिनीवर पडली.
ती पडत असताना या वस्तूला असलेला फुगा फुटल्यामुळे मोठा आवाज झाला. यामुळे परिसरातील शेतकऱ्यांमध्ये भीतीचं वातावरण पसरलं.
नंतर एका शेतमजुराने आपल्या मालकाला फोन करून हकीकत सगितल्यावर त्यांनी पोलिसांना बोलावून घेतले.
पोलिसांनी या वस्तूचा पंचनामा करून वस्तू ताब्यात घेतली. मात्र ही वास्तू काय आहे याची शहानिशा करून आम्हाला कळवावी अशी मागणी शेतकऱ्यांनी केली आहे.
त्या वस्तूवर नेमकं काय लिहिलं आहे?
सापडलेल्या वस्तूवर नेमकं काय लिहिलंय याबाबात माहिती घेण्याचा आम्ही प्रयत्न केला.
बीबीसी कोरिया सेवेने या मजकुराचं भाषांतर केलं.
त्यावर “हे उपकरण उंचावरील तापमानाच्या निरीक्षणासाठी वापरलं जातं. हे रिसायकल करता येणार नाही आणि धोकादायकही नाही. त्यामुळे कोणाला सापडल्यास कचरा समजून फेकून द्यावं,” असं लिहिलं आहे.
या उपकरणाचे उपयोग काय?
उंचीवरील हवेचा आवाज मोजण्याचं हे यंत्र आहे. तापमान, आर्द्रता, दाब मोजण्यासाठी या उपकरणाचा वापर करतात.
समुद्रसपाटीपासून 35 किमी अंतरावर ही मोजणी करतात.
उंचीवरची हवा तापमान आणि तापमानात होणारे बदल तपासण्यासाठी उपयोगी ठरते.
जगभरात दिवसातून दोनदा त्याची तपासणी केली जाते. सुमारे 1700 जागांवर ही तपासणी केली जाते.
हेही वाचलंत का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता. 'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
