2023 मध्ये गुगलवर सर्वांत जास्त सर्च केली गेलेली रेसिपी कोणती?

2023 या वर्षाची लवकरच सांगता होणार आहे. तुम्हाला माहितेय का यावर्षी लोकांनी गुगलवर सर्वात जास्त कोणत्या गोष्टी शोधल्या (सर्च केल्या) आहेत? तुम्ही अंदाज बांधू शकता का, की सर्वाधिक सर्च केलेली पाककृती कोणती? गुगल सर्च इंजिनच्या 25 वर्षांच्या इतिहासात सर्वाधिक सर्च केलेला क्रिकेटपटू कोण आहे?

गेल्या काही वर्षात लोकांतर्फे कोणत्या शैलीचे चित्रपट सर्वाधिक सर्च केले गेलेत? सर्वात जास्त कोणता खेळ सर्च केला गेला याचा एक व्हिडिओ गुगलने मंगळवारी ‘एक्स’ (पूर्वीचं ट्विटर) वर पोस्ट केला.

त्यामध्ये विराट कोहली हा सर्वाधिक सर्च केला गेलेला क्रिकेटपटू आहे.

गुगल सर्च इंजिनने यावर्षी 25 वर्षे पूर्ण केली आहेत. 25 वर्षांच्या प्रवासात सर्च इंजिनवर कोणते विषय सर्वाधिक सर्च केले गेले याचा गुगलने एक व्हीडिओ तयार केलाय.

क्रिकेटपटूंमध्ये विराट कोहली, खेळाडूंमध्ये फुटबॉलपटू ख्रिस्तियानो रोनाल्डो, नील आर्मस्ट्राँगचं चंद्रावर पहिलं पाऊल सर्वाधिक सर्च केलं गेलंय, सर्वाधिक सर्च केली गेलेली अॅनिमेशन मालिका पोकेमॉन, भारतीय चित्रपटसृष्टीमध्ये बॉलीवूड, आईस बकेट चॅलेंज, एलजीबीटीक्यू विवाह, कोविड मृत्यू इत्यादींना या व्हीडिओमध्ये स्थान पटकावलंय.

"25 वर्षांपूर्वी या जगाने गोष्टी सर्च करायला सुरूवात केली आणि इतिहास घडला”, असं म्हणत व्हीडिओला सुरूवात होते.

ही आहे 2023 मध्ये सर्वाधिक सर्च केलेली पाककृती

गेल्या 25 वर्षात सर्वाधिक सर्च केलेल्या विषयांची यादी तसंच 2023 मध्ये कोणत्या विषयांनी नेटिझन्सचं सर्वाधिक लक्ष वेधून घेतलं याची यादी देखील गुगलने प्रसिद्ध केलंय.

यावर्षी सर्वाधिक सर्च केलेली पाककृती तुम्हाला सांगता येईल का? जगातली कोणतीही अवघड किंवा न ऐकलेली रेसिपी नाहीये ही. आंबा पचडीची तयारी आणि रेसिपी या वर्षी सर्वाधिक सर्च केली गेलीये.

2023 मध्ये भारतीयांनी सर्च केलेल्या आणि "इयर इन सर्च - 2023" या नावाने जागतिक स्तरावर ट्रेंड झालेल्या विषयांची यादी प्रकाशित करण्यात आली आहे.

"इयर इन सर्च - 2023" च्या यादीत सर्वाधिक सर्च केलेल्या विविध श्रेणींमध्ये बातम्या, मनोरंजन, मीम्स, पर्यटन आणि पाककलेचा समावेश असल्याचं गुगलने जाहीर केलंय.

या आकडेवारीनुसार, भारतातील लोकं चांद्रयान-3, कर्नाटक निवडणूक निकाल आणि G20, समान नागरी कायदा (यूसीसी) यांसारख्या मुद्द्यांना विशेष प्राधान्य देत असल्याचं समोर आलंय.

टॉप 5 मीम्समध्ये 'सो ब्युटीफुल, सो एलिगंट' या ट्रेंडिंग मीमनेही स्थान पटकावलंय.

सर्वाधिक सर्च केलेल्या यादीत चित्रपटांमध्ये आदिपुरुष आणि वेब सीरिजमध्ये राणा नायडू यांचा देखील समावेश आहे. चला तर मग, श्रेणीनुसार विषय जाणून घेऊयात.

भारतात सर्वाधिक सर्च केलेल्या घटना

चांद्रयान मोहीम या वर्षी भारतीयांच्या दृष्टीने महत्त्वाची घटना होती. त्याखेरीज इतरही अनेक विषयांनी गुगल सर्चच्या यादीत स्थान मिळवलं आहे.

सामान्य ज्ञानाशी संबंधित विचारले गेलेले प्रश्न

वैयक्तिक आवड

वैयक्तिक आवड किंवा रोजच्या आयुष्यातल्या गोष्टींबद्दल नेटीझन्सने खालील गोष्टी सर्च केल्या आहेत.

आमच्या जवळपास काय आहे?

गुगलचं एक फिचर आहे "निअर मी". आसपासच्या गोष्टी शोधण्यासाठी त्याचा वापर होतो. लोकांनी ते फिचरही पुरेपूर वापरलं आहे. त्यात त्यांनी खालील गोष्टी शोधल्या.

क्रीडा स्पर्धा

लोकप्रिय क्रिकेट सामने

भारतात सर्वाधिक जे सामने सर्च केले गेले ते भारत विरुद्ध प्रतिस्पर्धी देश होते हे वेगळं सांगायला नको.

चित्रपट

‘आदिपुरुष’ आणि ‘द केरला स्टोरी’ हे सर्वाधिक सर्च केलेले चित्रपट आहेत. त्याखेरीज खालील चित्रपटांचा नंबर लागतो.

व्यक्ती

वेब सिरीज

मीम्स

पर्यटन स्थळं

अंदमान हे सर्वाधिक सर्च केलेल्या पर्यटन स्थळांपैकी एक आहे.

इस्रायल-गाझा युद्ध, मॅथ्यू पेरी, बार्बी चित्रपट, शकीरा, गुगल ट्रान्सलेट हे जागतिक स्तरावर गुगल टूल्सद्वारे सर्वाधिक सर्च केलं गेलं.

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify आणि Apple Podcasts इथे ऐकू शकता.)