Cubana Chief Priest: EFCC atọhapụla ya dịka otu izuụka gachara.

3 Eprel 2022

Mgbe ikpeazụ e tinyere ya ozi ọhụrụ 5 Eprel 2022

Oge e ji agụ akụkọ nkeji 2

Pascal Okechukwu bụ otimkpu a ma bụ onye ejikwa Cubana Chiefpriest mara enwerela onwe ya site n'aka ụlọorụ na-ebu agha megide mpụ bụ Economic and Financial Crimes Commission.

Chiefpriest depụtara nke a n'akara Instagram ya ma sị "EFCC anwaala m ma kwete, ezinaụlọ m unu emeela. Agaghị m echefu."

Ọ gakwara n'ihu kwuo "Ihe egbugbi m ga-eme ka sikwuo ike, biko zighachịrị m nụ m ozi ncheta ụbọchị ọmụmụ m."

Skip Instagram post

Hapụ Instagram ihe dị na ya?

Edemede a nwere ihe ndị si na Instagram. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ Instagram iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of Instagram post

Content is not available

View content on InstagramBBC anaghị ahụta maka ọdịnaya nke saịtị ndị dị na mpụga.s

Nke a na-abịa dịka akụkọ pụtara na Sọnde na-ekwu na EFCC nwuchiri nwamadị a n'Abuja kamgbe otu izuụka gara aga.

O nweghi onye maara nke bụ eziokwu maka ụlọọrụ EFCC ewepụtaghị ozi banyere nwuchi ya ruo mgbe ha tọhapụrụ ya.

Nke a mere aha ya 'Cubana Chiefpriest' jiri malite iwu na soshal midia n'ụtụtụ ụbọchị ụka 4 Eprel, 2022 maka akụkọ sị na ụlọọrụ na-ebuagha megide mpụ bụ EFCC nwuchiri ya.

Akụkọ sị na EFCC boro ya ebubo ibupu ego n'ụzọ na-ezighi ezi nakwa ịgbanahụ ụtụisi, mana BBC Igbo e nweghi ike ịkọwa ma ọ bụ eziokwu.

Mgbe BBC Igbo kpọrọ ọnụ na-ekwuru ụlọọrụ EFCC bụ Wilson Owujaren, ọ zaghị, n'otu aka ahụ ekwentị Cubana Chiefpriest gbanyụrụ agbanyụ oge a kpọrọ ya.

Skip Akachasị Gụọ and continue reading

Akachasị Gụọ

End of Akachasị Gụọ

Ụbọchị abụọ nke ọnwa Eprel kwesịrị ịbụ ụbọchị ncheta ọmụmụ Chiefpriest mana o nweghi ozi ọbụla o wepụtara na soshal midia banyere ya.

Kamgbe ụbọchị anọ gara aga o nwebeghi ozi ọbụla o wepụtarala n'akara Instagram ya bụ ebe ọ na-ewepụta ozi kwa mgbe kwa mgbe.

Hope Uzodimma na Cubana Chiefpriest — Nkọwa foto, Cubana Chief Priest bụ onye enyemaka pụrụ iche nye Gọvanọ Hope Uzodinma nke Imo Steeti

Cubana Chief Priest bụ onye na-ahazibu ụlọọrụ 'Cubana Group' nke gụnyere: 'Grand Cubana Hotel'; Rolex Hotel; Cubana Night Club; Pablo Cubana; Crave Cubana; Opium Cubana; Gustavo Cubana; Cubana Leisure na ndị ọzọ.

A nwuchiburu ya n'afọ 2020, maka ebubo na o ji ndị nchekwa uweojii '(Police Escort) eme ka o siri masị ya.

Ihe ndị ọzọ i kwesịrị ị ma banyere 'Cubana Chief Priest'

A ma ya dịka onye na-eme ihe ego ma na-egosikwa na o ji 'nkụ' I ji maa atụ, o nyere enyi ya nwoke bụ Obinna Iyiegbu (Obi Cubana) ehi 46 oge ọ kwara nne ya n'afọ 2021.Akụkọ kwuru na o nwere ụgbọala ndị oke ọnụahịa dịka: Rolls Royce Phantom, Toyota Prado, Mercedes Benz G-class na Range Rover.
Cubana Chief Priest na-egosikwa akụnaụba ya nke ukwuu na soshal midia.
Ọ bụ onye Umuhu Okabia dị n'Okpuru Ọchịchị Orsu n'Imo steeti
O toro n'Aba, Abia steeti
Ọ gara akwụkwọ n'ụlọakwụkwọ dị elu, "Federal Polytechnic Nekede'.
O bidoro ndụ ya dịka onye na-arụ akpụkpọụkwụ na otiegwu mana ọ chakeghị rue oge ọ banyere n'ọrụ otimkpu na onye na-ahazị ụlọnkwarị ndị nwere agba
Ọ malitere ịhazi ụlọọrụ nkwarị nke Cubana Group.
O mechara malite ụlọrụ nkwarị nke ya ọ kpọrọ "Club Xhrine n'afọ 2020.
Ọ lụọla nwaanyị ma jiri ụmụ nwoke abụọ.