Coronavirus Tips: Ụzọ itoolu ị ga-esi gbalahụ isi nghasa n'ihi 'lockdown'

Onye na-eme 'exercise' — Nkọwa foto, Ịgbatị ahụ nke bekee kpọrọ 'exercise' so n'ụzọ i ga-eji jịkọọ onwe gị ọnụ n'oge a

1 Eprel 2020

Ọtụtụ ihe onyonyo na-egosi etu ndị mmadụ nakwa mba dị icheiche si aluso coronavirus ọgụ.

Dịka ndị mmadụ nọ n' ụlọ ugbua n'ihi mmachi gọọmentị machiri mkpagharị, ihe kachasị mkpa bụ ọdịmma uche na ụbụrụisi bụ nke Bekee kpọrọ 'mental health'.

Ahamefula Agomoh bụ ọkammuta n'ihe gbasara ụbụrụisi na omume mmadụ (psychiatrist) kọwara na etu ihe siri dị ugbua, ihe kachasị mkpa bụ ịzọ ndụ.

Agomoh kwuru na ọtụtụ ekwetebeghị na ọrịa coronavirus bụ eziokwu.

O kwuru sị: "Ndị mmadụ ekwetebeghi na coronavirus di."

"Ụfọdụ che na ọ bụ asị gọọmenti na-atụ iji nwee ohere ime ihe ha chọrọ ime, bụ nke Bekee na-akpọ 'conspiracy theory'."

Ọ kọwara na ị gaa n'otutu ogbe, ndị mmadụ na-agagharị ma na-egwu egwu etu ọ si sọ ha maka na ha ekwetebeghi na coronavirus dị.

Aha onyonyo, Akpụrụachịa anaghị achụ coronavirus

Agomoh kọwakwara na mgbe na-adịghị anya, ndị mmadụ ga-esita na-ekweghị ekwe baa n'iwe, n'ihi na ọ bụ kwa ụbọchị ka ọtụtụ na-akpata ihe ha na-eri.

Skip Akachasị Gụọ and continue reading

Akachasị Gụọ

End of Akachasị Gụọ

"Ya atụla onye ọbụla n'anya ma ndị mmadụ mewe ngagharị iwe."

N'aka nke ọzọ, ọkachamara n'ihe gbasara ụzọ ibi ezi ndụ bụ Nnedimma Iwueke kọwara na ọ bụ ndị bi nanị ha, ndị ahụ na-esighị ike, ndị nweburu ọrịa ụbụrụisi nakwa ndị na-aṅụ ọgwụ ike maọbụ oke mmanya bụ ndị mmachi a ga-aka metụta ọnọdụ ahụike uche na ụbụrụ ha.

Kedụ kwanu ụzọ mgbapụ?

Onye ọkpaọchị e ji Skibo Comedy mara — Nkọwa foto, Ikiri ihe na-akpa ọchị na soshal midia ga-enye aka ka mmadụ chefụọ ụmụ ihe ụfọdụ

Ndụmọdụ nke mbụ ha nyere bụ ka gọọmenti jiri ndị ha na ndị mmadụ na-emekọrịta oge ọbụla kuziere ha maka ọrịa coronavirus.

Ha gụnyere onyeisi otu dịka 'National Union of Road Transport Workers (NURTW), ndị isi ndịahịa dị icheiche na ndị ọzọ.

Ụzọ itoolu ị ga-esi gbanahụ isi nghasa n'oge mmachi a

Ime ihe ga-akpalie ụbụrụ dịka ịgụ akwụkwọ
Igwu egwuregwu ime ụlọ dịka 'Ludo' na 'kaadị,' nchọrokọtọ, 'scrabble' wdg
Ịga n' ịntaneti ka gị na ndị ọzọ kparịta ụka
Ịkpọtụrụ ndị enyi na ezinaụlọ gị na ekwentị maọbụ soshal midia
Ige egwu na ile ihe nkiri ga-ebulite mmụọ gi
Ịba n'ime mmụọ nke a kpọrọ 'meditation' na Bekee
Ihi ụra nke ọma n'oge mmachi a n'ihi na ọ bụ oge madu na ehi ụra ka ahụ ya na-arụ ọrụ ịdozi ahụ
Ịmegharị ahụ nke bekee kpọrọ 'exercise'
Ịmụta ihe ọhụrụ dịka asụsụ ọhụrụ, etu e si esi nri, wdg.

Akụkọ ndị ọzọ ga-amasị gị:

Ihe nkiri ga-amasị gị: