Juve ta ja ragamar rukuni na bakwai a Champions League, bayan doke Barca 3-0

Juventus ta ja ragamar rukuni na bakwai a gasar Champions League, bayan da ta doke Barcelona da ci 3-0 a Camp Nou ranar Talata.

Juventus ta fara cin kwallo a bugun fenariri ta hannun Cristiano Ronaldo minti na 13 da fara wasa, sannan ta kara na biyu a minti bakwai tsakani ta hannun Weston McKennie.

Bayan da kungiyoyin suka yi hutu suka koma zagaye na biyu ne Juventus ta kara na uku ta hannun Cristiano Ronaldo kuma a bugun fenariti.

Da wannan sakamakon Juventus ta zama ta daya a rukuni na bakwai da maki 15, itama Barcelona maki 15 ne da ita a mataki na biyu.

A wasan farko da suka kara a bana a cikin rukuni, Barcelona ce ta yi nasara a kan Juventus da ci 2-0 a Italiya.

Karawa hudu baya da suka yi: Kafin sakamakon wasan Talata da Juventus ta yi nasara, Barcelona ta buga wasa hudu ba tare da an doke ta ba a fafatawa hudu da Juventus, inda ta ci biyu da canjaras biyu a Champions League, ta kuma ci karawa biyu daga ukun da suka yi a cikin rukuni da canjaras daya.

Karawarsu a Camp Nou: Juventus ta yi nasara a wasa biyu a Camp Nou a Champions League shi ne wanda ta ci 2-1 a Afirilun 2003 da kuma 4-0 a Disambar 2020 daga lokacin ta yi canjaras daya da rashin nasara a karawa daya wato 0-0 a 2016/17 aka kuma doke ta 0-3 a kakar 2017/18.

Wasannin cikin rukuni: Juventus ta yi nasara a wasa 10 daga 11 da ta kara a Champions League a cikin rukuni, rashin nasarar da ta yi ita ce wadda Barcelona ta doke ta 2-0 a kakar bana kuma a Italiya.

Cristiano Ronaldo da Barcelona: Cristiano Ronaldo ya ci Barcelona kwallo 17 a wasa 21 da ya fuskanci kungiyar a dukkan fafatawa.

'Yan wasan Barcelona da suka fuskanci Juventus:

Masu tsaron raga: Marc-Andre ter Stegen da Neto da kuma Inaki Pena.

Masu tsaron baya: Sergino Dest da Clement Lenglet da Ronald Araujo da Samuel Umtiti da Oscar Mingueza, da kuma Jordi Alba.

Masu buga tsakiya: Frenkie de Jong da Sergio Busquets da Miralem Pjanic da Riqui Puig da Carles Alena da Philippe Coutinho da Pedri da Matheus Fernandes.

Masu cin kwallaye: Martin Braithwaite da Lionel Messi da Antoine Griezmann da Francisco Trincao da kuma Konrad de la Fuente.

'Yan wasan Juventus dasuka fafata da Barcelona:

Masu tsaron raga: Szczesny da Pinsoglio da kuma Buffon.

Masu tsaron baya: De Light da Alex Sandro da Danilo da Cuadrado da Bonucci da Dragusin da kuma Frabotta.

Msu buga tsakiya: Arthur da ERamsey da McKennie da Chiesa da Rabiot da Bentancur da Bernardesci da Portanova da kuma Kulusevski.

Masu cin kwallo: Ranaldo da Morata da Dybala da kuma Da Graca.

Wasannin da Barcelona za ta buga zuwa jkarshen Disamba:

Ranar Lahadi 13 ga watan Disamba La Liga

Ranar Laraba 16 ga Disamba La Liga

Asabar 19 ga watan Disamba La Liga

Talata 22 ga watan Disamba La Liga

Talata 29 ga watan Disamba La Liga

Wasannin da Juventus za ta fafata zuwa karshen Disamba:

Ranar 13 ga watan Disamba Serie A

Ranar Laraba 16 ga watan Disamba Serie A

Ranar Asabar 19 ga watan Disamba Serie A

Ranar Talata 22 ga watan Disamba Serie A