David Wagner: Schalke ta kori mai horar da ita
Asalin hoton, Getty Images
An sallami tsohon mai horar da Huddersfield, David Wagner, bayan da aka doke Schalke wasa biyu a jere da fara gasar Bundesliga ta Jamus ta bana.
Rashin nasarar da kungiyar ta yi ya zama na 18 da Schalke ta kasa samun maki a gasar ta Bundesliga.
Kungiyar ta fara da yin rashin nasara da ci 8-0 a hannun Bayern Munich, sannan Werder Bremen ta doke ta 3-1 a wasan mako na biyu a gasar Bundesliga ranar Asabar.
Wagner, mai shekara 48, ya koma Schalke da horar da kwallo a 2019, bayan sama da kaka uku da ya ja ragamar Huddersfield a gasar Premier.
Wadanda ke aikin taimakawa kocin Christoph Buhler da kuma Frank Frohling duk sun bar Schalke din..
