Hotuna: Rayuwa a garin Shasha bayan rikicin Hausawa da Yarbawa

Karanta rubutu kawai domin rage cin data

BBC Hausa ta kai ziyara garin Shasha na jihar Oyo inda aka yi rikicin ƙabiolanci tsakanin Hausawa da Yrabawa a makon da ya gabata, kuma abokin aikinmu Yusuf Yakasai ya ɗauko mana waɗannan hotunan na halin da garin ke ciki a yanzu haka bayan lafawar rikicin.

Matan Ibadan
Bayanan hoto, Wasu mata Hausawa na tsaye suna zantawa, kwana uku bayan lafawar rikicin da ya yi sanadin mutuwar Hausawa fiye da 10 a garin Shasha na jihar Oyo.
Ibadan youth
Bayanan hoto, Nan kuma wata daba ce ta samari ake ci gaba da hada-daha bayan lafawar faɗan.
Shasha
Bayanan hoto, Mafi yawan ƴan kasuwa Hausawa daga arewa na sayar da kayan gwari a kasuwar ta garin Shasha, amma an tafka asarar dukiya sakamakon faɗan.
Shasha
Bayanan hoto, Abokin aikinmu Yusuf Yakasai ya ce kasuwar ta zama tamkar bola saboda kayayyakin da aka lalata.
Shasha
Bayanan hoto, Mata da yara da dama na samun mafaka a yanzu haka a wasu wuraren da suke da yaƙinin suna cikin aminci a garin.
Shasha
Bayanan hoto, Wasu kuwa tuni suka fara loda kayayyakinsu a motoci don barin yankin gaba ɗaya.
Ibadan
Bayanan hoto, Mutane musamman ƴan kasuwar na ta ƙirga asarar da suka tafka.
Shasha tukunya a kan murhu
Bayanan hoto, Bayan kwanaki kaɗan da faruwar rikicin wasu har sun fara samun sukunin dafa abinci a sansanonin ƴan gudun hijira.