Abin da ya sa yake da kyau a koyi sabon harshe kafin a wuce shekara 20 da haihuwa

Karanta rubutu kawai domin rage cin data

Girls during a Belarusian language lesson at a secondary school in the village of Osinovka — Bayanan hoto, Ajin koyon harshen Belarusian: Matasa sun fi ƙananan yara da jarirai damar koyon sabbin harsuna

- Marubuci, Daga Sophie Hardach
- Sanya sunan wanda ya rubuta labari, BBC Future
19 Yuli 2020

Gari ya waye, kuma ana ta hada-hada a wata makarantar koyon harshen Sfaniyanci da ke arewacin Landan.

Iyaye na taimaka wa ƴaƴansu cire rigunansu na sanyi da hulunansu na kwano. Malamai kuma na tarbar yaran da kalaman "Buenos dias!"

A filin wasa, wata ƙaramar yarinya ta nemi a daure gashin kanta, irin ɗaurin da ake kira "coleta" (da sfaniyanci ana nufin daure gashi ya yi kama da bindin alade).

"A lokacin da yara ke ƙanana, ba koyon harsuna suke yi ba - mallakarsu suke yi," in ji shugaban makarantar Carmen Rampersad.

Wata kila shi ya sa waɗannan ƙananan yaran da ke makarantarta ke naɗar harsuna babu wata matsala.

Children in a classroom, sitting on the carpet clapping hands — Bayanan hoto, Ƙananan yara sun fi iya bambanta sauti - amma kwarewa na zuwa ne da yawan shekaru

Ga yawancin yaran Sfaniyanci shi ne yare na uku ko ma na huɗu da suka iya. Harshensu na ainihi na iya zama cCoatian, ko Hebrew ko Korean ko ma Dutch.

Idan aka kwatanta da yadda waɗanda suka girma ke kokawa wajen koyaon harsuna, sai ka iya cewa ya fi sauki mutum ya fara koyon harshe tun yana karami.

Amma kimiyya na da wani haske kan batun - kuma waɗanda suka girma za su so jin wannan labarin.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

A takaice, kowa kan sami damar koyon harsuna amma ya danganta ga shekarunsa na haihuwa.

Yayin da muke jarirai, mun fi gane sautuka daban-daban; bayan mun zama yara kuma mun fi gane bambanci tsakanin yadda ake faɗin wasu kalmomi na yaren da suke koyo.

Manya kuma sun fi natsuwa da kwarewa wajen koyon sababbin abubuwa kamar koyon rubutu da karatu.

Wasa kwakwalwa na da alfanu

An older woman, wearing a sari, taking notes - close up of her hands and note pad — Bayanan hoto, Manyan mutane sun fi gane lunguna da tsarin harsuna

"Ba komai ne ke raguwa ba a lokacin da shekarun mutum ke karuwa", inji Antonella Sorace, malamin jami'a kan kwarewa wajen koyon harsuna, kuma shugaban wata cibiya da ke Jami'ar Edinburgh.

Masu bincike a kasar Isra'ila sun gano cewa manyan mutane sun fi gane tsarin harsuna.

Masanan sun raba mutane zuwa gida uku: Na farko sherunsu takwas, na biyu shekarunsu 12, na uku kuma matasa ne. sakamakon binciken ya nuna cewa manyan sun doke kananan yaran, inda masu shekara 12 kuma suka doke kannensu masu shekara takwas.

A group of young students, walking in campus — Bayanan hoto, Masu bincike a kasar Isra'ila sun gano cewa matasa sun fi gane harsuna idan aka kwatanta su da ƙananan yara

Wannan binciken ya yi daidai da wani tsohon bincike da aka haɗa kusan mutum 2,000 masu magana da harsunan Catalan da Sfaniyanci da ke koyon turancin Ingilishi: Cikin sauki matasan suka koyi harshen fiye da ƙananan yara.

A mother and daughter playing with a ball on the street — Bayanan hoto, Idan iyalai suka koma wata ƙasa, ƙananan yara sun fi saurin koyon sabon harshe - amma wannan na tasowa ne saboda ya zama tilas su yi haka

A farkon wannan shekarar an yi wani bincike a jami'ar MIT ta Amurka wanda ya gano mutum 670,000 sun fi kwarewa idan suka fara koyon turancin Ingilishi tun suna ƴan shekara 10.