Buhari ya saka hannu kan dokar kudi ta Finance Bill 2019

Karanta rubutu kawai domin rage cin data

Shugaba Muhammadu Buhari — Bayanan hoto, Buhari ya gabatar da kudirin dokar tare da kasafin kudi a watan Oktoba

13 Janairu 2020

Lokacin karatu: Minti 1

Shugaban Najeriya Muhammadu Buhari ya saka hannu kan dokar kudi, wadda za ta samar da hanyoyin aiwatar da kasafin kudin 2020, kamar yadda shugaban ya bayyana.

"Wannan ne karon farko tun bayan dawowar dimokuradiyya a Najeriya a 1999 da aka kaddamar da kasafin kudi tare da dokar aiwatar da shi a Najeriya," in ji Buhari.

Kauce wa X, 1

Ya kamata a bar bayanan X?

Wannan labari ne na dauke da bayanai da X suka bayar. Muna neman amincewarku kafin mu dora muka, saboda nuna iya dauke da wasu bayanai da aka iya adanawa. Watakila kana za ka so ka karanta X da tsarin bayanan da za a adana da da tsarin sirri kafin ka amince. Idan kana son ganin wannan bayani ka zabi ‘amince sannan ka ci gaba’.

Gargadi: Ana iya samun talla wanda ba na BBC ba ne

Karshen labarin da aka sa a X, 1

Babu karin bayanai

Ci gaba da duba XBBC ba za ta dauki alhakin abubuwan da wasu shafukan daban suka wallafa ba.

Dokar mai suna Finance Bill, 2019, za ta taimaka wa masu manya da matsakaita da kananan san'o'i wurin yin kasuwancinsu cikin sauki.

Sannan kuma ta taimaka wa gwamnati wurin samun isassun kudi da kuma taimakawa wurin karfafa gwiwar masu zuba jari.

Buhari ya gode wa shugabannin majalisun tarayya, wadanda a cewarsa "suka yi aiki tukuru domin tabbatar da kudirin dokar wadda ke da matukar amfani wurin aiwatar da kasafin kudin 2020".

Idan za a iya tunawa dai, shugaban ya gabatar da kudirin dokar ne yayin da yake gabatar da kasafin kudin 2020 a zaman hadin gwiwar Majalisun Tarayya a watan Oktoba.

Buhari ya fada a lokacin cewa kasafin kudin kacokam ya dogara ne kan tanadin dokar, wadda ta sahhale kara kudin harajin kayayyaki daga kashi 5% zuwa 7.5%.