Me ke jawo yawan lalacewar babban layin wutar lantarkin Najeriya?

Da yammacin ranar Litinin ne kamfanonin da ke rarraba wutar lantarki na jihohin Najeriya suka fitar da sanarwar cewa babban layin samar da wutar lantarki na ƙasar ya lalace wani abin da ya janyo rashin wuta a faɗin ƙasar.

Har wa yau kuma a safiyar Talata ne, babban layin wutar na ƙasa ya sake lalacewa inda ya jefa ɗimbin mutane cikin duhu.

Hakan na nufin babban layin ya lalace har sau biyu a ƙasa da sa'a 24, ƙari a kan lalacewarsa karo huɗu a baya a cikin shekarar 2024 kamar yadda rahotanni suka nuna.

Da ma dai a watan Mayu na 2024 kamfanin da ke rarraba wutar lantarkin a Najeriya, TCN, a wata sanarwa da mai magana da yawunsa, Ndidi Mbah ta fitar, ya ce babban layin wutar lantarkin na Najeriya ya lalace har sau 105 daga 2015 zuwa 2024.

Yaya babban layin wutar ke aiki?

Babban layin wutar lantarki na Najeriya - da ake kira 'National Power grid' a Turance - gungun layuka ne da suka haɗa tashoshin samar da lantarki da ke bai wa dukkan sassan Najeriya wuta.

A taƙaice, wata ma'dana ce da ke ɗauke da dukkan lantarkin da ake sha a Najeriya. Haka nan, ba wani wuri ba ne guda ɗaya, tarin layuka ne a wurare daban-daban.

An tsara shi ne don ya yi aiki ta wasu taƙaitattun hanyoyi musamman dangane da yawan wutar da ake da ita, da tsaron lafiyarsa.

Saboda haka duk sanda ya fita daga yanayin da ya saba zama na kwanciyar hankali, ayyukan da yake za su samu matsala kuma hakan kan sa ya lalace.

Na'urorin da ke ba da wutar lantarkin kan kashe kansu da zarar sun fuskanci cewa suna cikin matsala.

Hakan ka iya nufin ɗaukewar wutar gaba ɗaya ko kuma na wani ɓangare.

Kazalika, yanayi - iska ko ruwa ko sanyi ko zafi - kan shafi aikin babban layin a wasu lokuta, abin da ya sa ke nan ake yawan ɗauke wuta idan aka fara iska mai ƙarfi a lokuta da dama.

Me ke sa lalacewar babban layin?

Injiniya Muhammad Sade shugaban kamfani mai zaman kansa na samar da wutar lantarki a Najeriya na Power Africa Energy, lalacewar babban layin na nufin ɗaukewar wuta a ƙasa baki ɗaya, yayin da kuma samun tangarɗar layin ke nufin rasa wuta a wasu ɓangarori na ƙasa.

Injiniya Muhammad Sade shugaban kamfani mai zaman kansa na samar da wutar lantarki a Najeriya na Power Africa Energy ya ce dalilin da ke sa babban layin wutar lantarki na Najeriya ke lalacewa shi ne tsufan da kayan samar da wutan suka yi.

"Tun daga injinan da ke samar da wutar zuwa masu rarraba ta dukkan su sun riga sun tsufa. Sannan kuma yawan ƴan Najeriya da yawan wutar da suke buƙata sun fi ƙarfin injinan waɗanda tsofaffi ne." In ji Injiniya Muhammad.

Hanyoyi huɗu na magance matsalar lalacewar

Wata majiya a kamfanin TCN ta shaida wa BBC cewa lalacewar babban layin ba abu ne da ke buƙatar gyara ba idan hakan ta faru, sai dai a sake kunna layin wato mayar da shi bakin aiki.

To sai dai kuma injiniya Muhammad Sade ya ce duk wani abu da za a yi wa babban layin zai zama na wucingadi kasancewar injinansa sun tsufa, inda ya lissafa hanyoyin gujewa