Karim Benzema ya ci wa Madrid kwallaye 172 a tarihi

Karanta rubutu kawai domin rage cin data
Real Madrid

Asalin hoton, Getty Images

Bayanan hoto, Benzema ya koma Real Madrid a 2009

Karim Benzema ya shiga jerin 'yan wasan Real Madrid da suka fi ci mata yawan kwallaye a tarihi, inda ya zura 172 a raga tun komawarsa can da murza-leda.

Benzema - dan kasar Faransa - yana mataki na takwas a jerin 'yan kwallon da suka fi ci wa Madrid kwallaye a tarihi, inda ya yi kan-kan-kan da Pirri wanda ya ci 172 a raga.

Dan wasan shi ne ya ci kwallo na biyu a wasan da Madrid ta doke Granada da ci 5-0 a gasar La Liga a ranar Asabar, hakan kuma ya zura 11 a raga a kakar bana.

Kwallayen da Benzema ya ci sun hada da guda 116 a gasar La Liga da 38 a gasar zakarun Turai da 14 a Copa del Rey da uku a kofin duniya na zakarun nahiyoyi da guda daya a super cup.

Benzema ya koma Real Madrid da taka-leda a shekarar 2009 daga Lyon.

Ga jerin 'yan wasa da yawan kwallayen da suka ci wa Madrid a tarihi:

  • 1 Cristiano Ronaldo 381
  • 2 Raúl 323
  • 3 ArgentinaColombia 308
  • 4 Carlos Santillana 290
  • 5 Ferenc Puskás 242
  • 6 Hugo Sánchez 208
  • 7 Francisco Gento 182
  • 8 Karim Benzema 172
  • 8 Pirri 172
  • 9 Emilio Butragueño 171