Corona Tips : એ ઉપાયો જે તમને કોરોના વાઇરસ સંક્રમણથી બચાવશે

કોરોના વાઇરસના કારણે આપણું જીવન અને સંબંધો બદલાઈ રહ્યાં છે. આવા સમયે ઢગલાબંધ સલાહો મળવા લાગે તે ઊલટાની મૂંઝવે તેવી પણ હોઈ શકે છે. અહીં તમને ઉપયોગી થાય એવી કેટલીક ટિપ્સ આપી છે.

કેવી રીતે કરવી સુરક્ષા

વિશ્વ આરોગ્ય સંસ્થા (WHO)ના જણાવ્યા અનુસાર કોરોના વાઇરસ સામે સૌથી સચોટ ઉપાય સ્વચ્છતા જાળવવી તે છે.

ચેપ ફેલાતો કેવી રીતે રોકી શકાય?

માસ્ક અને મોજાં ઉપયોગી થાય ખરાં?

બજારમાં મળતાં કાપડના સાદા માસ્કથી ચેપથી બચી શકાતું નથી. કારણ એ કે તે બહુ ઢીલા હોય છે, આંખેને ઢાંકતા નથી અને લાંબો સમય પહેરી શકાતા નથી.

ચેપ લાગ્યો હોય તે વ્યક્તિએ માસ્ક પહેર્યો હોય તેનાથી તેમના છાંટા બહાર ઊડતાં અટકે છે.

યાદ રાખો કે Sars-CoV-2 વાઇરસનો ચેપ લાગ્યો હોય, તેમાંથી ઘણી વ્યક્તિઓને બીમારીનાં કોઈ લક્ષણો દેખાતાં નથી. તેથી બીજા લોકો વચ્ચે જઈએ ત્યારે માસ્ક પહેરી રાખવામાં કંઈ ખોટું નથી.

મોજાં વિશે પણ WHO કહે છે કે તે પહેર્યાં પછીય ચેપ લાગી શકે છે. મોજું પહેર્યું હોય અને પછી તેનાથી ચહેરાને અડવામાં આવે તો ચેપ લાગવાની શક્યતા રહે જ.

WHOના જણાવ્યા અનુસાર મોજાં પહેરવાં કરતાંય હાથને વારંવાર સાબુ અને પાણીથી ધોવાથી Covid-19 સામે વધારે રક્ષણ મળે છે.

Covid-19 ચેપ લાગ્યો છે તેનો ખ્યાલ કેમ આવે?

કોરોના વાઇરસના ચેપનું મુખ્ય લક્ષણ તાવ આવવો અને સૂકી ખાંસી થવી છે. આ બંને પર ધ્યાન આપવું જોઈએ.

ગળું બગડવું, માથું દુખવું અને ઝાડા થવા એવાં લક્ષણો પણ કેટલાક કેસોમાં દેખાયાં છે. કેટલાક કેસમાં સ્વાદ જતો રહે અને ગંધ આવતી બંધ થઈ જાય તેવી ચર્ચા પણ ચાલતી રહે છે.

લક્ષણો જોવાં મળે તો શું કરવું જોઈએ?

WHOના જણાવ્યા અનુસાર આવાં લક્ષણો દેખાય ત્યારે ઘરમાં જ ભરાઈને રહેવું જોઈએ. માથાનો દુખાવો અને સામાન્ય શરદી જેવાં હળવાં લક્ષણો હોય ત્યારે પણ ઘરે જ રહેવું જોઈએ.

યાદ રાખો 80% કેસમાં Covid-19 ચેપ હળવા પ્રકારનો હોય છે, પણ તમારે બીજા સાથે સંપર્કમાં ના આવવાની કાળજી ખાસ લેવી જોઈએ.

તમને તાવ આવવા લાગે, ખાંસી આવે અને શ્વાસ લેવામાં તકલીફ પડવા લાગે તો મેડિકલ સલાહ લેવી જોઈએ. શ્વાસનળીમાં ચેપના કારણે કે બીજી ગંભીર સ્થિતિને કારણે આવું થયું હોઈ શકે છે.

દવાખાને જતા પહેલાં અગાઉ ફોન પર વાત કરી લો - અત્યારે બધી જ જગ્યાએ સારવાર માટેની મુશ્કેલીઓ છે ત્યારે યોગ્ય કઈ જગ્યાએ જવું તેની જાણકારી પહેલાં મેળવી લેવી જોઈએ.

Covid-19 કેટલી ઘાતક બીમારી છે?

તબીબી પ્રકાશન ધ લૅન્સેટ ઇન્ફેશિયસ ડિસીઝમાં પ્રકાશિત થયેલા નવા અભ્યાસ અનુસાર ચેપ લાગ્યો હોય તેમાંથી 0.66%ના મોત થવાની શક્યતા છે.

સિઝનલ ફ્લૂના ચેપમાં 0.1%ના મોત થવાની શક્યતા હોય છે, તેનાથી આ ઊંચું પ્રમાણ કહેવાય, પરંતુ અગાઉના અંદાજ કરતાં આ ઘણો નીચો મૃત્યુદર છે.

જોકે ચેપ લાગવાના કેટલા કેસ થશે તેની જાણકારી પૂરી ના થાય ત્યાં સુધી પાકા પાયે કહી ના શકાય કે Covid-19 બીમારીના કારણે મોતની શક્યતા કેટલી.

રોગચાળા દરમિયાન મૃત્યુના દરની ગણતરી કરવી મુશ્કેલ હોય છે, કેમ કે લોકોને ચેપ લાગે અને તેમનું મૃત્યુ થાય તેમ ઘણો સમયગાળો હોય છે.

લંડનની ઇમ્પિરિયલ કૉલેજના હાલના અંદાજ અનુસાર 80 વર્ષથી મોટી ઉંમરની વ્યક્તિઓ માટે મૃત્યુનો દર 10 ગણો વધારે છે, જ્યારે 40થી નીચેની ઉંમરમાં તે ઓછો છે.

ચીનના પ્રથમ 44,000 કેસનું વ્યાપક વિશ્લેષણ કરવામાં આવ્યું ત્યારે ખ્યાલ આવેલો કે ડાયાબિટીસ, લોહીનું ઊંચું દબાણ, હૃદયની કે શ્વાસોશ્વાસની બીમારી ધરાવતા લોકોમાં મૃત્યુનું પ્રમાણ કમસે કમ પાંચ ગણું વધારે હતું.

શું ઉપચાર શક્ય બનશે ખરો?

નવા વાઇરસના ઉપચાર માટે કોઈ ચોક્કસ દવા અત્યારે ઉપલબ્ધ નથી.

સારવારના બીજા વિકલ્પો છે ખરા, પણ મોટા ભાગના લોકો જાતે જ સાજા થઈ જાય છે.

વૈશ્વિક મહામારી વચ્ચે માનસિક સ્વાસ્થ્ય કેવી રીતે જાળવવું?

બહુ કપરો કાળ આવ્યો છે તેની ના નહીં. તેથી તમને ચિંતા થતી હતી, તણાવ અનુવતા હશો, અકળાતા હશો, દુખ અનુભવતા હશો, કંટાળતા હશો, એકાકીપણા અને હતાશાની લાગણી થતી હશે.

રોગચાળા વચ્ચે માનસિક સ્વાસ્થ્ય જાળવી રાખવા માટે માટે બ્રિટિશ નેશનલ હેલ્થ સર્વિસે 10 ટિપ્સ તૈયાર કરી છે:

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો