50 ડોલરની 46 લાખ નોટ પર ખોટો સ્પૅલિંગ, બિલોરી કાચથી છ મહિને ભૂલ પકડાઈ
ઇમેજ સ્રોત, Reserve bank of australia
ઑસ્ટ્રેલિયાની નવી 50 ડૉલરની નોટમાં નાના અક્ષરોમાં મોટી ભૂલ સામે આવી છે જેને શરમજનક ગણાવવામાં આવી રહી છે.
રિઝર્વ બૅંક ઑફ ઑસ્ટ્રેલિયાએ લાખોની સંખ્યામાં પીળા રંગની 50 ઑસ્ટ્રેલિયન ડૉલરની નોટ છાપી છે જેમાં 'રિસ્પોન્સિબિલિટી'ના સ્પેલિંગમાં ભૂલ થઈ છે. તેમાં રિસ્પોન્સિબિલિટીને બદલે 'રિસ્પોન્સિબ્લિટી' લખાયું છે, આમ એક 'I' ઓછો લખાયો છે.
આરબીએ દ્વારા ગુરુવારે આ ભૂલ કબૂલ કરવામાં આવી અને ખાતરી આપવામાં આવી હતી કે, ભવિષ્યમાં જે નોટ છપાશે તેમાં આ ભૂલ સુધારી લેવામાં આવશે.
પરંતુ હાલ આ ભૂલ વાળી લગભગ 46 લાખ નોટ સમગ્ર દેશમાં વ્યવહારમાં ચાલે છે.
ગયા વર્ષના અંતમાં ઑસ્ટ્રેલિયાની સંસદના પ્રથમ મહિલા સાંસદ એડિથ કોવાનના ચહેરા વાળી નોટ માટેનું બિલ પસાર કરવામાં આવ્યું હતું.
આ નોટ પર સુશ્રી કોવાનના ચહેરા પાછળ જે લખાણ છે તે તેમના સંસદમા પ્રથમ ભાષણનો અંશ છે.
આ લેખમાં Instagram દ્વારા પૂરું પાડવામાં આવેલું કન્ટેન્ટ છે. કંઈ પણ લોડ થાય તે પહેલાં અમે તમારી મંજૂરી માટે પૂછીએ છીએ કારણ કે તેઓ કૂકીઝ અને અન્ય તકનીકોનો ઉપયોગ કરી શકે છે. તમે સ્વીકારતા પહેલાં Instagram કૂકીઝ નીતિ અને ગોપનીયતાની નીતિ વાંચી શકો છો. આ સામગ્રી જોવા માટે 'સ્વીકારો અને ચાલુ રાખો'ના વિકલ્પને પસંદ કરો.
Instagram કન્ટેન્ટ પૂર્ણ
આ લખાણ સમગ્ર નોટ પર સુક્ષ્મ અક્ષરોમાં વારંવાર લખાયેલું છે, "અહીં એક માત્ર મહિલા હોવું એ મોટી જવાબદારી છે તેથી હું અહીં અન્ય મહિલાઓની હાજરી હોવા પર ભાર આપવા માગુ છું."
પણ દુઃખની વાત છે કે, આ દરેક લખાણમાં 'રિસ્પોન્સિબિલિટી'માંથી એક આઈ ગાયબ છે.
End of સૌથી વધારે વંચાયેલા સમાચાર
બિલોરી કાચ વડે આ ભૂલ શોધતાં અને ધ્યાનમાં આવતા છ મહિના લાગી ગયા છે.
ઇમેજ સ્રોત, Reserve bank of australia
ઑસ્ટ્રેલિયામાં 50 ડૉલરની નોટ ચલણમાં સૌથી વધુ ઉપયોગમાં લેવાતી અને મશીનમાંથી સૌથી વધુ સંખ્યામાં નીકળતી નોટ છે. આ નોટની બીજી બાજુએ જાણીતા લેખક ડેવિડ યૂનેપોનનો ચહેરો છાપવામાં આવેલો છે.
ઓક્ટોબર મહિનામાં ચલણમાં આવેલી નવી નોટોની ડિઝાઇનમાં સુરક્ષા અને નકલી નોટોનો પ્રસાર રોકવા કેટલીક બાબતો ઉમેરવામાં આવી હતી.
હાલ આ ભૂલવાળી નોટ જ ચલણમાં છે અને તે સ્વીકારવામાં આવે છે.
તમે આ વાંચ્યું કે નહીં?
તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો
