રિલાયન્સ AGM : તમારે જાણાવા જેવી કઈ-કઈ જાહેરાતો થઈ?

રિલાયન્સના આઈ.પી.ઓ. પછી પહેલી વખત તેની વાર્ષિક સભા વર્ચ્યુઅલી યોજાઈ હતી, જેમાં મુકેશ અંબાણીએ કંપની દેવામુક્ત બની હોવાની જાહેરાત કરી હતી.

મુકેશ અંબાણીએ જાહેરાત કરી હતી કે ઇન્ટરનેટ જાયન્ટ ગૂગલ દ્વારા કંપનીમાં 450 કરોડ ડૉલરનું રોકાણ કરવામાં આવશે. કંપની દેવામુક્ત થતાં જિયો, ઑઈલ-ટુ-કેમિકલ તથા રિટેલના વ્યવસાય પર ધ્યાન કેન્દ્રિત કરવાની વાત કહી હતી.

રિલાયન્સે ગ્લાસ, ડેવલપર પ્લૅટફૉર્મ જેવી જાહેરાતો કરી હતી. પરંતુ જે જાહેરાતે સૌથી વધુ ધ્યાન ખેંચ્યું તે હતી 5જી ઍન્ડ-ટુ-ઍન્ડ ટેકનૉલૉજી, જે સંપૂર્ણપણે સ્વદેશી છે અને ભારતમાં નિર્મિત છે.

જોકે સ્પેક્ટ્રમ મળ્યે 5જી ટેકનૉલૉજીની કાર્યદક્ષતા માલૂમ થશે. ચીનની ખ્વાવે પણ ભારતમાં 5જી ટેકનૉલૉજી લૉન્ચ કરવા તલપાપડ છે, ત્યારે આ જાહેરાત મહત્ત્વપૂર્ણ બની રહે છે.

43મી AGMની મહત્ત્વપૂર્ણ જાહેરાતો/વાતો

'સમજાતું નથી કે નવીન શું હતું?'

વૅન્ચર કૅપિટાલિસ્ટ જૉસ પૉલ માર્ટિને ટ્વિટર ઉપર લખ્યું, "સમજાતું નથી કે કઈ વાતની હાઇપ હતી. કદાચ સૌથી મોટી એ.જી.એમ. (ઍન્યુઅલ જનરલ મીટિંગ) હતી એટલે. જિયોમીટના પ્લૅસ્ટોર ઉપર રિવ્યૂ વાંચો તો કંઈ ખાસ સારા નથી. જિયોગ્લાસ? ઍપલનું અનુસરણ? કદાચ 5જી જ સારા સમાચાર હતા."

વરિષ્ઠ પત્રકાર શબા નકવીએ ટ્વીટ કર્યું, "કૉંગ્રેસના સમાચાર જાણવા માટે ચેનલ બદલી રહી હતી ત્યારે રિલાયન્સના શૅરહોલ્ડરની બેઠક ઉપર નજર કરી, આંકડા બાદ એક પછી એક શૂન્ય સાંભળીને પાક્કું થઈ ગયું કે તે ભારતના બૉસ છે."

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો