સાયબર સેફ્ટી ટિપ્સ : કોરોનામાં સાયબર ઍટેકની ચેતવણી સામે આ છે બચાવની રીતો

ભારત સરકારના આઈટી વિભાગે ચેતવણી આપી છે કે લોકોની વ્યક્તિગત જાણકારીની ચોરી માટે મોટા પ્રમાણમાં ફિશિંગ સાયબર ઍટેક થઈ શકે છે.

ભારતની કૉમ્પ્યુટર ઇમર્જન્સી રિસ્પોન્સ ટીમે આ બાબતે ટ્વીટ કરીને કહ્યું છે કે આ હુમલો રવિવારે થવાની સંભાવના છે.

ભારતના ઇલેક્ટ્રૉનિક અને ટેકનૉલૉજી વિભાગ હેઠળ કામ કરતા વિભાગ સર્ટ તરફથી કહેવામાં આવ્યું કે 'ખરાબ ઇરાદો રાખનારા લોકો' આ પ્રકારનો હુમલો કરી શકે છે.

ચેતવણીમાં કહેવામાં આવ્યું છે, "આ ફિશિંગ અભિયાન હેઠળ ભારતના સરકારી ઈ-મેઇલ જેવા દેખાતા ઈ-મેઇલ પરથી કોવિડ-19 મહામારી સાથે જોડાયેલા ઈ-મેઇલ મોકલીને વ્યક્તિ જાણકારીઓની ચોરી થઈ શકે છે."

ફિશિંગ ઍટેક મારફતે લોકોને ઇમેલ અથવા ટૅક્સ્ટ મેસેજ મારફતે ખોટી લિંક પર ક્લિક કરવા માટે ફસાવવામાં આવે છે જેથી તેમની સિસ્ટમમાં કોઈ મૅલવેયર ઇન્સટૉલ થઈ જાય છે અથવા સિસ્ટમ ફ્રીઝ થાય છે અથવા તો તેમની સંવેદનશીલ જાણકારી ખુલ્લી પડી જાય છે.

આ પહેલા ટેક્નૉલૉજી કંપની ગૂગલે પણ કહ્યું હતું કે તે જીમેલ પર કરોડો ફિશિંગ ઇમેલ્સને દરરોજ ડિલીટ કરી રહ્યું છે.

ફિશિંગથી બચવા માટે શું કરવું?

ફિશિંગ સાયબર ઍટેકનો શિકાર કોઈ પણ વ્યક્તિ બની શકે છે. સર્ટ તરફથી ફિશિંગ સાયબર ઍટેકથી બચવા માટે અમુક સુચનો પણ જાહેર કર્યા છે જે આ પ્રમાણે છે.

એ સિવાય નિષ્ણાતોએ આપેલી ટિપ્સ આ પ્રમાણે છે

કોરોના કાળમાં છેતરપિંડી

હાલમાં ગૂગલે પણ માહિતી આપી હતી કે કોરોના વાઇરસ મહામારીને કારણે દુનિયામાં 'ફિશિંગ ઍટેક્સ' વધી ગયા છે. ફિશિંગ ઇન્ટરનેટ પર છેતરપિંડી કરવાની એક રીત છે જેમાં અપરાધી ઈમેલ મારફતે યૂઝર્સને ફસાવીને પાસવર્ડ, ક્રેડિટ કાર્ડની વિગતો જેવી ખાનગી જાણકારી મેળવી લેવાનો પ્રયત્ન કરે છે.

જીમેલે કહ્યું કે ફિશિંગ મારફતે લોકોને ફસાવનારાઓ દરરોજ જીમેલ યુઝર્સને કોવિડ-19 મહામારી વિશે એક કરોડ 80 લાખ ઈમેલ મોકલી રહ્યા છે.

સાયબર સિક્યૉરિટી ફર્મ બાર્રાકુડાનું કહેવું છે કે કોવિડ-19 મહામારી દરમિયાન છેતરપિંડીના ઇરાદાથી મોકલવામાં આવતા ફિશિંગ ઇમેલ્સમાં 667 ટકાનો ઉછાળો આવ્યો છે.

અપરાધીઓ ફેક એસએમએસ અને ઇમેલ્સ મારફતે બ્રિટન સરકાર, વિશ્વ સ્વાસ્થ્ય સંગઠન, સેન્ટર ફૉર ડિસીઝ કંટ્રોલ ઍન્ડ પ્રિવેન્શનના અને અમેરિકાના રાષ્ટ્રપતિ ટ્રમ્પના નામે આવા સંદેશ મોકલાઈ રહ્યા છે.

સિક્યુરિટી રિસર્ચર સ્કૉટ હેલ્મે બીબીસીને કહ્યું કે ફિશિંગ ઇમેલ્સમાં એક વાત સામાન્ય રીતે જોવા મળે છે કે આ આપણી ભાવનાઓનું દોહન કરવાના ઇરાદાથી મોકલવામાં આવે છે. એવી ભાવનાઓ જેને કારણે આપણે કોઈ ખાસ પળમાં વધારે વિચાર્યા વગર કોઈ પગલું લઈએ છીએ."

તમે અમને ફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો