એ ગુજરાતી યુગલ જેઓ હૉસ્પિટલ બહાર દર્દીઓને મફતમાં ભોજન આપે છે

સુરેન્દ્રનગરની સી.યુ.શાહ ટીબી હૉસ્પિટલ ખાતે દર્દીઓ અને તેમના પરિવારજનો માટે એક પરિવાર દ્વારા સવાર-સાંજ મફતમાં ભોજન પીરસવામાં આવે છે.

લાભુભાઈ ડાબી એક શાળામાં પ્રિન્સિપાલ તરીકે ફરજ બજાવે છે અને છેલ્લાં સાત વર્ષથી અહીં જરૂરિયાતમંદોને મફતમાં ભોજન પીરસે છે.

લાભુભાઈ પહેલાં ઘરે જ ભોજન બનાવતા હતા. પાંચ ટિફિનથી શરૂ કરેલા આ સેવાકાર્યમાં હાલમાં 100થી વધુ લોકો માટે ભોજન બનાવવામાં આવે છે.

હાલમાં તેઓ નજીક આવેલી શ્રીરામ ભોજનાલય પાસે ભોજન બનાવડાવે છે. આ તમામ ખર્ચ લાભુભાઈ જાતે જ ભોગવે છે.

લાભુભાઈનું કહેવું છે કે જરૂરિયાતમંદની સેવા કરવી અને ભૂખ્યાનું પેટ ભરવું એ જ સાચી માનવતા છે.

તમે બીબીસી ગુજરાતીને સોશિયલ મીડિયા પર અહીં ફૉલો કરી શકો છો

Facebook પર સમાચાર વાંચવા અહીં ક્લિક કરો.

Instagram પર બીબીસી ગુજરાતીને અહીં ફૉલો કરો.

YouTube પર બીબીસી ગુજરાતીના વીડિયો જોવા માટે અહીં ક્લિક કરો.

Twitter પર બીબીસી ગુજરાતીની ફૉલો કરવા અહીં ક્લિક કરો.