Avugwa mu mikino i Burayi ku munsi wa nyuma w'igura n'igurishwa ry'abakinnyi: Neymar, Lukaku, Zaha, Luiz...

Inyandiko gusa
Neymar yageze mu ikipe ya Paris Saint-Germain mu mwaka wa 2017, ndetse amaze gutwarana nayo ibikombe bibiri bya shampiyona ya Ligue 1 yo mu Bufaransa

Ahavuye isanamu, Getty Images

Insiguro y'isanamu, Neymar yageze mu ikipe ya Paris Saint-Germain mu mwaka wa 2017, ndetse amaze gutwarana nayo ibikombe bibiri bya shampiyona ya Ligue 1 yo mu Bufaransa

Real Madrid yatangiye ibiganiro n'ikipe ya Paris Saint-Germain byo kuba yagura rutahizamu Neymar, Umunyabrezili w'imyaka 27 y'amavuko. (Sky Sports)

Ubushake bwa Barcelone bwo kwisubiza Neymar bushingiye ku kuba yakwemera guhara Philippe Coutinho, mugenzi we bakomoka mu gihugu kimwe ukina hagati mu kibuga. (Goal)

Manchester United ifite ubushake bwo kuriha miliyoni 81 z'amapawundi akubiye mu ngingo ya kontaro y'amasezerano rutahizamu w'Umunya-Espanye Inaki Williams w'imyaka 25 y'amavuko afitanye n'ikipe ye ya Athletic Bilbao mu gihe yaba yifuje kuyivamo. (El Chiringuito TV - via Mail)

Ukwifuza kwa Leroy Sané kuko yava muri Manchester City akerekeza muri Bayern Munich y'iwabo mu Budage kwajemo kidobya kubera imvune yo mu ivi y'uyu Sané w'imyaka 23 y'amavuko. (Mail)

Luiz yasubiye muri Chelsea mu mwaka wa 2016 nyuma yo kumara imyaka ibiri muri Paris Saint-Germain

Ahavuye isanamu, Rex Features

Insiguro y'isanamu, Luiz yasubiye muri Chelsea mu mwaka wa 2016 nyuma yo kumara imyaka ibiri muri Paris Saint-Germain

David Luiz, myugariro wa Chelsea w'imyaka 32 y'amavuko ukomoka muri Brezili, yamaze kwemererwa kwerekeza muri Arsenal kuri miliyoni 8 z'amapawundi kuri kontaro y'imyaka ibiri.

Zaha yatsindiye Palace ibitego 10 mu mwaka w'imikino ushize wa 2018-2019

Ahavuye isanamu, Getty Images

Insiguro y'isanamu, Zaha yatsindiye Palace ibitego 10 mu mwaka w'imikino ushize wa 2018-2019

Rutahizamu Wilfried Zaha w'ikipe ya Crystal Palace yatanze umusabe bwo kuva muri iki kipe. Uyu Munya-Côte d'Ivoire w'imyaka 26 y'amavuko arashaka kwerekeza muri Everton byanze bikunze. (Express)

Palace yabwiye Everton ko itazemera ari munsi ya miliyoni 100 z'amapawundi kuri uyu mukinnyi. (Guardian)

Everton iri gushaka kugura myugariro Fikayo Tomori w'imyaka 21 y'amavuko ukinira Chelsea ndetse na myugariro w'Umuholandi Nathan Aké w'imyaka 24 y'amavuko ukinira Bournemouth. (Sun)

Skip Ibisomwa cane and continue reading
Ibisomwa cane

End of Ibisomwa cane

Burnley, icyererewe, yatangiye gushaka kugura umukinnyi w'Umwongereza ukina hagati mu kibuga, Danny Drinkwater w'imyaka 29 y'amavuko, ikamugura ku nguzanyo imukuye muri Chelsea. (Mail)

Atletico Madrid iri kwitegura kugura Christian Eriksen w'imyaka 27 y'amavuko, uyu akaba asanzwe ari umukinnyi wo hagati wa Tottenham n'uw'ikipe y'igihugu ya Denmark. (Independent)

Kuva yagera muri Juventus avuye muri Real Madrid mu mwaka wa 2015, Khedira na bagenzi be bakinana bamaze gutwara igikombe cya shampiyona y'Ubutaliyani inshuro eshatu

Ahavuye isanamu, Getty Images

Insiguro y'isanamu, Kuva yagera muri Juventus avuye muri Real Madrid mu mwaka wa 2015, Khedira na bagenzi be bakinana bamaze gutwara igikombe cya shampiyona y'Ubutaliyani inshuro eshatu

Sami Khedira, umukinnyi wo hagati wa Juventus w'imyaka 32 y'amavuko, yanze ubusabe bw'amakipe abiri yamwifuzaga kubera ko agitsimbaraye ku kuba ashobora kwerekeza muri Arsenal. (Star)

Norwich yasohoye miliyoni 15 z'amapawundi yo kugura myugariro w'Umufaransa Alexis Claude-Maurice w'imyaka 21 y'amavuko ukinira ikipe ya FC Lorient yo mu Bufaransa. (Le Télégramme)

Monaco irashaka kugura rutahizamu Xherdan Shaqiri w'imyaka 27 y'amavuko ukinira Liverpool n'ikipe y'igihugu y'Ubusuwisi. (Blick)

Romelu Lukaku yatsinze ibitego 42 mu mikino 96 yakiniye Manchester United

Ahavuye isanamu, Getty Images

Insiguro y'isanamu, Romelu Lukaku yatsinze ibitego 42 mu mikino 96 yakiniye Manchester United

Inter Milan yamaze kumvikana na Manchester United ku kugura Romelu Lukaku ku giciro gishobora kugera kuri miliyoni 74 z'amapawundi.

Napoli irashaka miliyoni 23 z'amapawundi ku mukinnyi Elseid Hysaj, mu gihe Tottenham iri gushaka kugura uyu myugariro w'imyaka 25 y'amavuko ukomoka muri Albaniya. (Goal)

Leicester yagiranye amasezerano n'ikipe ya Sampdoria yo mu Butaliyani yo kugura Umubiligi Dennis Praet w'imyaka 25 y'amavuko ukina hagati mu kibuga. (Mail)

Aston Villa yatangiye ibiganiro n'ikipe ya RB Leipzig yo mu Budage byo kugura Jean-Kevin Augustin, rutahizamu w'Umufaransa w'imyaka 22 y'amavuko. (Star)

Robert Lewandowski (ibumoso) na mugenzi we Kingsley Coman (iburyo)

Ahavuye isanamu, Getty Images

Insiguro y'isanamu, Robert Lewandowski (ibumoso) na mugenzi we Kingsley Coman (iburyo)

Villa iranashaka kandi kugura rutahizamu Said Benrahma w'imyaka 23 y'amavuko ukomoka muri Algeria, imukuye mu ikipe ya Brentford, muri gahunda ya Villa yo kwivugurura. (Star)

Wolves yatangiye gahunda ya miliyoni 30 z'amapawundi yo kugura myugariro Daniele Rugani w'imyaka 25 y'amavuko ukinira Juventus n'ikipe y'igihugu y'Ubutaliyani. (Times - via Express & Star)

Wolves yahagaritse ibyo gushaka kugura umukinnyi Mario Lemina w'imyaka 25 y'amavuko ukina hagati mu ikipe ya Southampton no mu ikipe y'igihugu ya Gabon. (Express & Star - via Daily Echo)

Rutahizamu Robert Lewandowski yashishikarije ikipe ye ya Bayern Munich kugura abandi bakinnyi batatu. Uyu Munyapolonye w'imyaka 30 y'amavuko ashaka ko ubusatirizi bw'iyi kipe bwongererwa ingufu nyuma yaho isezerewe mu marushanwa akomeye, ndetse akavuga ko kuri ubu iyi kipe ifite gusa "abakinnyi babigize umwuga 13 cyangwa 14 b'inararibonye". (Goal)

Brighton yasohoye miliyoni 28 z'amapawundi - ya mbere menshi itanze ku mukinnyi - mu kugura Sander Berge ukina hagati mu kibuga mu kipe ya Genk, mu gihe igiciro cya miliyoni 22 z'amapawundi Sheffield United mbere yari yatanze kuri uyu Munya-Norvège w'imyaka 21 y'amavuko cyari cyanzwe. (Mirror)